رەسەي ۇكىمەتى اۆياتسيالىق وتىندى ەل اۋماعىنان ەكسپورتتاۋعا ۋاقىتشا تىيىم سالدى، دەپ حابارلايدى "ادىرنا" ۇلتتىق پورتالى.
جەرگىلىكتى باق دەرەگىنشە، شەكتەۋ 2026 جىلدىڭ 30 قاراشاسىنا دەيىن كۇشىندە بولادى.
بيلىك وكىلدەرىنىڭ ايتۋىنشا، قابىلدانعان شەشىمنىڭ باستى ماقساتى – ىشكى نارىقتا اۆياوتىن تاپشىلىعىنىڭ الدىن الۋ جانە مۇناي ونىمدەرى باعاسىنىڭ تۇراقتىلىعىن قامتاماسىز ەتۋ. جاڭا ەرەجەگە سايكەس، ەكسپورتقا تىيىم بيرجالىق ساۋدا ارقىلى ساتىپ الىنعان اۆياتسيالىق كەروسينگە دە قاتىستى بولادى.
سونىمەن قاتار بىرقاتار ەرەكشەلىكتەر قاراستىرىلعان. اتاپ ايتقاندا، اۋە كەمەلەرىنىڭ باكتارىنداعى جانە ترانزيتتىك تاسىمالدارعا ارنالعان اۆياوتىنعا، حالىقارالىق ۇكىمەتارالىق كەلىسىمدەر اياسىندا جەتكىزىلەتىن ونىمگە، سونداي-اق قاۋلى كۇشىنە ەنگەنگە دەيىن كەدەندىك راسىمدەردەن تولىق وتكەن پارتيالارعا شەكتەۋ قولدانىلمايدى.
