رەسەي پرەزيدەنتى ۆلاديمير پۋتين ۋكراينا جەرىندەگى كونفليكتىڭ جاقىن ارادا اياقتالعانىن قالايدى. بۇل تۋرالى تۇركيا پرەزيدەنتى رەجەپ تايپ ەردوعان PBS تەلەارناسىنا بەرگەن سۇحباتىندا مالىمدەدى، دەپ جازادى "ادىرنا" ۇلتتىق پورتالى.
- ارينە، بۇل قۋانتارلىق جاعداي. الايدا مۇنىڭ ءمان-ماڭىزىن ۋكراينا دا رەسەي سەكىلدى تەرەڭنەن ويلاۋ كەرەك. قازىر قوس تاراپ تا اتالمىش كونفليكتى تەزدەتىپ شەشۋگە مۇددەلى بولۋى ءتيىس، - دەدى پرەزيدەنت.7 قىركۇيەك كۇنى رەجەپ تايپ ەردوعان ۋكراينا مەن رەسەي اراسىنداعى ۇرىسقا باتىستىڭ ارالاسۋىن ارانداتۋشىلىق دەپ باعالاعانى بەلگىلى. سونداي-اق، پرەزيدەنت انكارانىڭ ارانداتۋشىلىق دەرتىنە بوي الدىرمايتىنىن، قانداي جاعداي بولماسىن ۋكراينا مەن رەسەي اراسىنداعى قاقتىعىستىڭ تەزدەتىپ اياقتالۋى ءۇشىن سارابدال ساياسات جۇرگىزۋگە دايىن ەكەنىن كەسىپ ايتقان بولاتىن.
"ادىرنا" ۇلتتىق پورتالى
