ۋكراينا قارۋلى كۇشتەرىنىڭ ونداعان درونى قازاقستاننىڭ اۋە كەڭىستىگى ارقىلى ۇشىپ ءوتىپ، رەسەيگە سوققى جاساۋ ماقساتىندا پايدالانىلعان بولۋى مۇمكىن. بۇل تۋرالى رەسەي ءسىم-ءنىڭ رەسمي وكىلى ماريا زاحاروۆا ايتتى، دەپ حابارلايدى «ادىرنا» ءتىلشىسى.
«19 جانە 20 ماۋسىم كۇندەرى قازاقستان رەسپۋبليكاسىنىڭ باتىس قازاقستان وبلىسى اۋماعى ارقىلى ۋكراينا قارۋلى كۇشتەرىنىڭ بىرنەشە ۇشقىشسىز ۇشۋ اپپاراتتارىنىڭ ۇشىپ وتكەنى تىركەلدى. بۇل دروندار، شاماسى، رەسەيگە سوققى جاساۋ ماقساتىندا قولدانىلعان بولۋى مۇمكىن. ءبىز وداقتاسىمىز جانە ۇقشۇ مۇشەسىنە
سونداي-اق زاحاروۆا حالىقارالىق ۇيىمداردى وسىنداي «ارانداتۋشىلىقتارعا» نازار اۋدارۋعا شاقىردى.
ەسكە سالايىق، 19 ماۋسىمدا ماڭعىستاۋ وبلىسىنان بەلگىسىز ۇشقىش اپپارات تابىلعان ەدى. سونداي-اق بۇعان دەيىن باتىس قازاقستان وبلىسىنداعى بىرنەشە ەلدى مەكەندەرگە درون قۇلاعان بولاتىن. ماۋسىم ايىنىڭ باسىندا قورعانىس مينيسترلىگى بقو-عا قۇلاعان دروندار رەسەيگە تيەسىلى ەكەنىن، ولاردى جالعا الىنعان پوليگوندا سىناق كەزىندە ۇشىرعانىن مالىمدەدى.
