قازاقستان رەسپۋبليكاسى باس پروكۋرورىنىڭ ورىنباسارى ەرلان وتەگەنوۆ قازاقستاندىق شەنەۋنىكتەردىڭ دجەففري ەپشتەينمەن بايلانىسى جونىندەگى تەرگەۋدىڭ قازىرگى جاعدايى تۋرالى ايتىپ بەردى، دەپ حابارلايدى "ادىرنا" ۇلتتىق پورتالى.
ونىڭ سوزىنە قاراعاندا، تەكسەرۋ دەپۋتاتتىق ساۋال اياسىندا جۇرگىزىلىپ جاتىر جانە دەرەكتەردىڭ كولەمى وتە اۋقىمدى.
ء«ۇش ميلليونعا جۋىق حابارلاما بار جانە ولار تولىق فورماتتا ەمەس. قازىر دەرەكتەردى تولىق زەرتتەپ جاتىرمىز. بۇل تۇرعىدا قازاقستان ازاماتتارىنا قاتىستى جانە جالپى قازاقستان تۋرالى ايتىلعان تۇستار قارالادى»، – دەدى پروكۋرور ورىنباسارى وتەگەنوۆ.
سونداي-اق، وسى ءىس بويىنشا بۇرىنعى پرەمەر-مينيستر كارىم ءماسىموۆ پەن ۇلتتىق بانكتىڭ ەكس-باسشىسى قايرات كەلىمبەتوۆتىڭ قاتىسى بار-جوعىن تەكسەرۋ جۇمىستارى جالعاسىپ جاتقانىن اتاپ ءوتتى. تەكسەرۋدىڭ اياقتالۋ مەرزىمى ازىرگە بەلگىسىز.
باس پروكۋروردىڭ ورىنباسارى دەرەكتەردىڭ كوپتىگىنە بايلانىستى جان-جاقتى تالداۋ جۇرگىزۋ قاجەتتىگىن ايتتى.
