ماڭعىستاۋ وبلىسى اكىمىنىڭ ءبىرىنشى ورىنباسارى اسحات ورالوۆتىڭ توراعالىعىمەن ناشاقورلىق پەن ەسىرتكى بيزنەسىنە قارسى ءىس-قيمىل جونىندەگى ۆەدومستۆوارالىق شتابتىڭ، سونداي-اق قۇقىق بۇزۋشىلىقتاردىڭ الدىن الۋ جونىندەگى كوميسسيانىڭ وتىرىستارى ءوتتى.
جيىنعا مەملەكەتتىك ورگانداردىڭ، قۇقىق قورعاۋ قۇرىلىمدارىنىڭ جانە ۇكىمەتتىك ەمەس ۇيىمداردىڭ وكىلدەرى قاتىستى.
ۆەدومستۆوارالىق شتاب وتىرىسى اياسىندا ناشاقورلىقتىڭ الدىن الۋ جانە ەسىرتكى بيزنەسىنە قارسى كۇرەس سالاسىنداعى ۇكىمەتتىك ەمەس ۇيىمدارمەن ءوزارا ءىس-قيمىل ماسەلەلەرى قارالدى. ء«بىز سپورت ءۇشىن، ەسىرتكىگە قارسىمىز» قوعامدىق قورىنىڭ توراعاسى رومان ورازىمبەتوۆ جاستار اراسىندا جۇرگىزىلىپ جاتقان كەشەندى پروفيلاكتيكالىق شارالار تۋرالى بايانداما جاسادى. وبلىستىق جاستار ساياساتى ماسەلەلەرى جونىندەگى باسقارمانىڭ باسشىسى مۇقاش ورالباي وتكەن جىلى جۇزەگە اسىرىلعان باستامالار تۋرالى ەسەپ بەرىپ، بيىلعى جوسپارلاردى تانىستىردى. قاتىسۋشىلار سينتەتيكالىق ەسىرتكىلەردىڭ تارالۋى، ولاردىڭ ينتەرنەت ارقىلى قولجەتىمدىلىگى، سونداي-اق رەابيليتاتسيالىق ورتالىقتاردىڭ قىزمەت ساپاسىن ارتتىرۋ ماسەلەلەرىنە ەرەكشە نازار اۋداردى.
قۇقىق بۇزۋشىلىقتاردىڭ الدىن الۋ جونىندەگى كوميسسيا وتىرىسى بارىسىندا كامەلەتكە تولماعاندار اراسىنداعى قۇقىق بۇزۋشىلىقتار، بۇرىن قىلمىس جاساعان تۇلعالارمەن پروفيلاكتيكالىق جۇمىس جانە ماس كۇيىندە جاسالعان قىلمىستار ماسەلەلەرى تالقىلاندى. ماڭعىستاۋ وبلىسى پوليتسيا دەپارتامەنتىنىڭ قوعامدىق قاۋىپسىزدىك باسقارماسىنىڭ باسشىسى سەرىك ايداروۆ جاسوسپىرىمدەر اراسىندا قۇقىقتىق مادەنيەتتى قالىپتاستىرۋعا باعىتتالعان 600-گە جۋىق ءىس-شارانىڭ وتكىزىلگەنىن اتاپ ءوتتى.
اسحات ورالوۆ ناشاقورلىقپەن كۇرەسۋ جانە قۇقىق بۇزۋشىلىقتاردىڭ الدىن الۋ مەملەكەتتىك ساياساتتىڭ باسىم باعىتتارى ەكەنىن اتاپ ءوتتى.
«مەملەكەت باسشىسى ناشاقورلىقتىڭ الدىن الۋ جانە وسكەلەڭ ۇرپاقتى قورعاۋ بويىنشا جۇيەلى جۇمىستىڭ ماڭىزدىلىعىن بىرنەشە رەت اتاپ ءوتتى. ەسىرتكىگە قاتىستى قىلمىستار مەن قۇقىق بۇزۋشىلىقتاردىڭ الدىن الۋ – بۇل تەك قۇقىق قورعاۋ ورگاندارىنىڭ عانا ەمەس، بۇكىل قوعامنىڭ ورتاق مىندەتى. اسىرەسە جاستاردى قورعاۋ، ولاردىڭ بوس ۋاقىتىن ءتيىمدى ۇيىمداستىرۋ، وتباسى ينستيتۋتىنىڭ ءرولىن كۇشەيتۋ جانە ازاماتتاردىڭ قۇقىقتىق ساۋاتتىلىعىن قالىپتاستىرۋ ماڭىزدى. «زاڭ مەن ءتارتىپ» قاعيداتىن نىعايتۋ – ءبىزدىڭ ورتاق مىندەتىمىز»، – دەپ اتاپ ءوتتى اسحات ورالوۆ.
وتىرىستاردىڭ قورىتىندىسى بويىنشا، ۋاكىلەتتى ورگاندارعا پروفيلاكتيكالىق شارالاردى كۇشەيتۋ، جاستار اراسىندا جۇيەلى ءتۇسىندىرۋ جۇمىستارىن جۇرگىزۋ، ۇكىمەتتىك ەمەس ۇيىمدارمەن ءوزارا ءىس-قيمىلدى كەڭەيتۋ، قۇقىق بۇزۋشىلىقتاردىڭ الدىن الۋدى تيىمدىرەك ۇيىمداستىرۋ، سونداي-اق ازاماتتاردى رەابيليتاتسيالاۋ جانە الەۋمەتتىك بەيىمدەۋ سالاسىندا باقىلاۋدى ارتتىرۋ جونىندە ناقتى تاپسىرمالار بەرىلدى.
ماڭعىستاۋ وبلىسى اكىمىنىڭ ءباسپاسوز قىزمەتى
