اقش، يران جانە ايماقتىق دەلدالدار قاقتىعىستى رەتتەۋ ماقساتىندا 45 كۇندىك ۋاقىتشا ءبىتىم ەنگىزۋ جونىندە كەلىسسوزدەر جۇرگىزىپ جاتىر، دەپ حابارلايدى "ادىرنا" ۇلتتىق پورتالى Axios باسىلىمىنا سىلتەمە جاساپ.
دەرەككوزدەردىڭ مالىمەتىنشە، ەكى كەزەڭنەن تۇراتىن جوسپار قاراستىرىلۋدا. ءبىرىنشى كەزەڭدە 45 كۇنگە ۋاقىتشا اتىستى توقتاتۋ ۇسىنىلادى. وسى ۋاقىت ارالىعىندا تاراپتار تۇپكىلىكتى بەيبىت كەلىسىمنىڭ شارتتارىن كەلىسۋى ءتيىس. قاجەت بولعان جاعدايدا بۇل مەرزىم ۇزارتىلۋى مۇمكىن.
ەكىنشى كەزەڭدە قاقتىعىستى تولىق اياقتاۋعا باعىتتالعان كەشەندى كەلىسىمگە قول قويۋ كوزدەلىپ وتىر.
باسىلىم دەرەكتەرىنە سايكەس، دونالد ترامپ اكىمشىلىگى سوڭعى كۇندەرى يرانعا بىرنەشە ۇسىنىس جولداعانىمەن، تەگەران ازىرگە ولاردىڭ ەشقايسىسىن قابىلداماعان.
ساراپشىلار جاقىن 48 ساعات ىشىندە كەلىسىمگە قول جەتكىزۋ ىقتيمالدىعىن تومەن دەپ باعالاپ وتىر.
