مەملەكەت باسشىسى قاسىم-جومارت توقاەۆ دونالد ترامپقا ارتەميدا ميسسياسىنىڭ ءساتتى ورىندالۋىنا بايلانىستى قۇتتىقتاۋ جولدادى، دەپ حابارلايدى "ادىرنا" ۇلتتىق پورتالى.
بۇل تۋرالى اقوردانىڭ ءباسپاسوز قىزمەتى حابارلادى.
پرەزيدەنت ءوز حاتىندا ادامزاتتىڭ سوڭعى جارتى عاسىرداعى ايعا جاسالعان العاشقى پيلوتتالعان ساپارى عارىشتى يگەرۋ تاريحىنداعى ماڭىزدى بەلەس ەكەنىن اتاپ ءوتتى. ونىڭ ايتۋىنشا، بۇل جەتىستىك الەمدىك عىلىم مەن تەحنولوگيانىڭ دامۋىنا سەرپىن بەرىپ، جاڭا بۋىن زەرتتەۋشىلەر مەن ينجەنەرلەردى ىنتالاندىرادى.
پرەزيدەنت قاسىم-جومارت توقاەۆ اقش-تىڭ عارىش سالاسىنداعى جەتىستىكتەرىنە جوعارى باعا بەرىپ، NASA جۇزەگە اسىرىپ وتىرعان «ارتەميدا» باعدارلاماسىنىڭ بولاشاعىنا تابىس تىلەدى.
ەسكە سالايىق، «ارتەميدا-2» ميسسياسى اياسىندا وريون عارىش كەمەسى ايدى اينالىپ ۇشىپ، كەيىن تىنىق مۇحيتىنا ءساتتى قونعان بولاتىن.
