اقش پرەزيدەنتى دونالد ترامپ ۆاشينگتون ءۇشىن اقش پەن يران اراسىنداعى كەلىسسوزدەردىڭ ناقتى ناتيجەسى اسا ماڭىزدى ەمەس ەكەنىن مالىمدەدى. بۇل تۋرالى BBC جازدى، دەپ حابارلايدى “ادىرنا”.
"ماعان كەلىسىم جاسالا ما، جوق پا – ءبارىبىر. ءبىز جەڭدىك!" – دەدى ترامپ جۋرناليستەرگە.
سونداي-اق اقش يراننان اسكەري جانە ستراتەگيالىق تۇرعىدا باسىم تۇسكەنىن ايتىپ، "ەلدىڭ اسكەري قۇرىلىمدارىنا ايتارلىقتاي سوققى جاسالعانىن" مالىمدەدى.
ترامپتىڭ سوزىنشە، قازىرگى ۋاقىتتا ورمۋز بۇعازى ارقىلى ەركىن قاتىناستى قامتاماسىز ەتۋ باعىتىندا جۇمىس جۇرگىزىلىپ جاتىر، ءارى بۇل قادام اقش-تىڭ وداقتاستارىنىڭ مۇددەسى ءۇشىن دە جاسالىپ وتىر.
"ناتو بىزگە كومەكتەسكەن جوق", – دەپ قوستى ول.
سونىمەن قاتار يسلامابادتاعى اقش پەن يران دەلەگاتسيالارىنىڭ تىكەلەي كەلىسسوزى شامامەن 8 ساعاتقا سوزىلعانى حابارلاندى.
تاراپتار ديالوگتى جالعاستىرىپ جاتىر، الايدا ازىرگە رەسمي قورىتىندى جاريالانعان جوق.
