گەرمانياداعى Deutsche Lufthansa AG, Lufthansa Cargo AG جانە Lufthansa CityLine GmbH اۋە كومپانيالارىنىڭ ۇشقىشتارى ەرەۋىلگە شىقتى، دەپ حابارلايدى «ادىرنا» ءتىلشىسى Euronews-كە سىلتەمە جاساپ.
نارازىلىق اكتسياسى بۇگىن، 13 ساۋىردە جەرگىلىكتى ۋاقىت بويىنشا 00:01-دە ( استانا ۋاقىتىمەن 03:01 - رەد.) باستالعان. ونى Vereinigung Cockpit (VC) ۇشقىشتار كاسىپوداعى ۇيىمداستىرىپ وتىر. رەسمي دەرەكتەرگە سۇيەنسەك، ەرەۋىل 14 ساۋىرگە دەيىن جالعاسپاق.
«ەرەۋىل تۋرالى حابار ەكى تاۋلىكتەن از ۋاقىت بۇرىن جاريالانعاندىقتان، ول فرانكفۋرت پەن ميۋنحەننەن ۇشاتىن رەيستەردىڭ كەمىندە 80%-ىنا اسەر ەتىپ، 50 000-نان استام جولاۋشىنى قيىن جاعدايدا قالدىرۋى مۇمكىن»،–دەپ جازدى شەتەلدىك باق.
VC كاسىپوداعى داۋدىڭ نەگىزگى سەبەبى Lufthansa كومپانياسىنىڭ ەڭبەكاقى مەن زەينەتاقى تولەمدەرىنە قاتىستى بىرقاتار ماسەلەنى شەشۋگە قۇلىقسىزدىعى ەكەنىن مالىمدەدى. توراعا اندرەاس پينەيرۋ ەرەۋىلدى ء«ساتسىز اياقتالعان كەلىسسوزدەردى قۇتقارۋدىڭ سوڭعى امالى» دەپ اتاپ، جاۋاپكەرشىلىكتى جۇمىس بەرۋشىگە جۇكتەدى.
ايتا كەتەيىك، بۇل – جىل باسىنان بەرى Lufthansa كومپانياسىنداعى ەرەۋىلدەردىڭ ءتورتىنشى تولقىنى.
