قارجى مونيتورينگى اگەنتتىگى «قازتەمىرترانس» كومپانياسىنىڭ بۇرىنعى ۆيتسە-پرەزيدەنتى ازامات قاپەنوۆكە قاتىستى قىلمىستىق ءىس تەرگەلىپ جاتىر، دەپ حابارلايدى "ادىرنا" ۇلتتىق پورتالى.
ول قىزمەت بابىن اسىرا پايدالانىپ، قارجى جىمقىردى دەگەن كۇدىككە ىلىنگەن.
رەسمي دەرەكتەرگە سۇيەنسەك، قاپەنوۆ جۇك ۆاگوندارىن باسقارۋ قىزمەتىن ۇيىمداستىرۋ كەزىندە وزىنە جاقىن كومپانيالارعا نەگىزسىز جەڭىلدىكتەر جاساپ، سول ارقىلى كاسىپورىن مۇددەسىنە زيان كەلتىرگەن. كەلتىرىلگەن شىعىن كولەمى 5,2 ملرد تەڭگەدەن اسادى.
قازىرگى تاڭدا كۇدىكتىگە حالىقارالىق ىزدەۋ جاريالانىپ، سوت شەشىمىمەن قاماۋعا الۋ تۇرىندەگى بۇلتارتپاۋ شاراسى بەكىتىلگەن.
زالالدى وتەۋ ماقساتىندا پروكۋرورلار «دوستىق» ستانتسياسىنداعى تەرمينالدى تاركىلەۋ تۋرالى ءوتىنىش تۇسىرگەن. سوت بۇل تالاپتى قاناعاتتاندىرىپ، نىسان مەملەكەت مەنشىگىنە وتكىزىلدى
