وڭتۇستىك كورەيا قازاقستاننان 18 ملن باررەل مۇناي ساتىپ الادى. بۇل تۋرالى پرەزيدەنتتىڭ ارنايى وكىلى كان حۋن سيك مالىمدەدى، دەپ حابارلايدى «ادىرنا» ءتىلشىسى.
ول 8 ساۋىردە مەملەكەت باسشىسى قاسىم-جومارت توقاەۆپەن كەزدەسىپ، كەلىسسوزدەر جۇرگىزگەنىن اتاپ ءوتتى. سول كەزدە قازاقستان پرەزيدەنتى وڭتۇستىك كورەيامەن ىنتىماقتاستىققا جاۋاپتى كەڭەسشى تاعايىندالاتىنىن ايتقان.
كان حۋن سيك الداعى ۋاقىتتا تاراپتار تەك مۇناي مەن نافتا (جەڭىل كومىرسۋتەكتەر قوسپاسى) جەتكىزۋ سالاسىندا عانا ەمەس، سونىمەن قاتار مينەرالدىق رەسۋرستار، قالالىق دامۋ جانە ونەركاسىپتىك قۇرىلىس باعىتتارىندا دا ىنتىماقتاستىقتى دامىتۋدى كوزدەپ وتىرعانىن قوستى.
سونداي-اق ول وڭتۇستىك كورەيانىڭ 2026 جىلدىڭ سوڭىنا دەيىن ورمۇز بۇعازىن اينالىپ ءوتۋ ارقىلى 273 ملن باررەل مۇناي جەتكىزىلىمىن قامتاماسىز ەتكەنىن حابارلادى. بۇعان قوسا، ەنەرگيامەن جابدىقتاۋدى تۇراقتاندىرۋ ماقساتىندا قوسىمشا 2,1 ملن تونناعا دەيىن نافتا جەتكىزىلەدى.
قازاقستاننان بولەك، وڭتۇستىك كورەيا مۇناي بويىنشا ومان، ساۋد ارابياسى جانە قاتار ەلدەرىمەن دە كەلىسسوزدەر جۇرگىزگەن.
