پروديۋسەر بايان الاگوزوۆانىڭ مەرۋەرت وتەكەشوۆادان سىيعا العان تاريحي قامزولى تۋرالى جازباسى قوعامدا ۇلكەن پىكىرتالاس تۋدىردى. وسىعان قاتىستى مادەنيەت جانە اقپارات مينيسترلىگى رەسمي تۇسىنىكتەمە بەرىپ، جاعدايدىڭ ءمان-جايىن ءتۇسىندىردى، دەپ حابارلايدى "ادىرنا".
مينيسترلىكتىڭ مالىمەتىنشە، اڭىزعا اينالعان «قىز جىبەك» فيلمىندە پايدالانىلعان جادىگەر «قازاقفيلم» كينوستۋدياسىنىڭ مۋزەي قورىندا ساقتالعان. بۇل ەكسپونات ۇلتتىق كينەماتوگرافيانىڭ ماڭىزدى مادەني مۇراسى رەتىندە مەملەكەت قورعاۋىندا.
پروديۋسەردىڭ جازباسىندا كورسەتىلگەن «ەكىنشى قامزولدىڭ» قالايشا جەكە ادامنىڭ قولىنا وتكەنى جانە ونىڭ تاريحى قازىرگى ۋاقىتتا مينيسترلىك تاراپىنان انىقتالىپ جاتىر.
مينيسترلىك ۇلتتىق فيلمدەردەگى قۇندى رەكۆيزيتتەر مەن كوستيۋمدەردى جيناۋ جانە رەستاۆراتسيالاۋ جۇمىستارى جۇيەلى تۇردە ءجۇرىپ جاتقانىن اتاپ ءوتتى.
«بولاشاق مۋزەيدە وتاندىق كينو تاريحىنا قاتىستى بىرەگەي ەكسپوناتتار جيناقتالىپ، ولار قالىڭ كوپشىلىككە قولجەتىمدى بولادى»، – دەلىنگەن حابارلامادا.
مادەنيەت جانە اقپارات مينيسترلىگى مادەني قۇندىلىقتاردى قورعاۋ ماسەلەسى باستى نازاردا ەكەنىن ەسكەرتتى.
