فوتو: Qaz365.kz
«ادىلەت» ساياسي پارتياسىنىڭ قۇرىلۋى تۋرالى جاڭالىق قوعامدا كەڭ تالقىلانىپ جاتقان تاقىرىپتاردىڭ بىرىنە اينالدى. باستاماشىل توپتىڭ ۇيىمداستىرۋ كوميتەتىن قۇرۋ تۋرالى مالىمدەمەسىنەن كەيىن، ازاماتتار الەۋمەتتىك جەلىلەردە جاڭا پارتياعا قوسىلۋعا دەگەن قىزىعۋشىلىق پەن نيەت بىلدىرۋدە.
الەۋمەتتىك جەلىلەردەگى پىكىرلەرگە قاراعاندا، پارتياعا قوسىلۋعا نيەت بىلدىرگەندەردىڭ اراسىندا جاستار كوپ، ولار پارتيا ارقىلى ەلدى باسقارۋعا قاتىسۋ ءۇشىن ناقتى مۇمكىندىك كورىپ، ونىڭ بولاشاعىنا ۇلكەن ءۇمىت ارتىپ وتىر.
جاس قازاقستاندىقتار «ادىلەت» پارتياسىنىڭ ءادىل جولدى ۇستانباق نيەتىن ەرەكشە اتاپ وتۋدە. ازاماتتاردىڭ قالاۋى ءبىر: ءوز ويىن ءبىلدىرىپ جاتقان كوپشىلىكتىڭ ايتۋىنشا، ەلگە جاڭا ساياسي مادەنيەت قاجەت، ال ادىلدىك كۇندەلىكتى تاجىريبەگە اينالۋى ءتيىس.
پارتياعا مۇشە بولۋعا دايىن ەكەنىن ءبىلدىرىپ جاتقان ازاماتتار كوپ جانە دە ولار ءار ءتۇرلى الەۋمەتتىك توپتاردىڭ وكىلدەرى – كاسىپكەرلەر مەن ستۋدەنتتەردەن باستاپ، تانىمال تۇلعالارعا دەيىن.
قازاقستاندىقتار «ادىلەت» پارتياسىنا ەلدىڭ جاڭا كونستيتۋتسياسى اياسىندا ءاربىر ازاماتتىڭ مۇددەسىن قورعاپ، مۇمكىندىكتەردىڭ تەڭدىگىن قامتاماسىز ەتەتىن ۇيىم رەتىندە ۇلكەن ءۇمىت ارتىپ جاتىر. الەۋمەتتىك جەلىلەردەگى پىكىرلەرگە جۇرگىزىلگەن تالداۋدىڭ ناتيجەسى «پارتياعا قوسىلۋ ءۇشىن قايدا قوڭىراۋ شالۋعا بولادى؟» دەگەن سۇراقتىڭ ءجيى كەزدەسىپ جاتقانىن انىقتادى.
ەسكە سالا كەتەيىك، 16 ساۋىردە «ادىلەت» پارتياسىنىڭ ۇيىمداستىرۋ كوميتەتى باستاماشىل توپتىڭ اتىنان 700-دەن استام قازاقستان رەسپۋبليكاسىنىڭ ازاماتتارىنان تۇراتىن ءوتىنىشتى ادىلەت مينيسترلىگىنە رەسمي تۇردە تاپسىردى، بارلىق قاجەتتى قۇجاتتارمەن بىرگە ساياسي پارتيا قۇرۋ تۋرالى حابارلاما دا جىبەرىلدى.
«ادىلەت» پارتياسىنىڭ ۇيىمداستىرۋ كوميتەتى رەسمي تۇردە قىزمەتىن باستاپ، پارتيانىڭ قۇرىلتاي سەزىن وتكىزۋ بويىنشا دايىندىق جۇمىستارىنا كىرىستى.
