احمەت بايتۇرسىنۇلى اتىنداعى قوستاناي وڭىرلىك ۋنيۆەرسيتەتى ستۋدەنتتەرى 100 كم/ساع جىلدامدىققا ءۇش سەكۋندتا جەتەتىن جارىس ءبوليدىن ازىرلەدى، دەپ حابارلايدى "ادىرنا" ۇلتتىق پورتالى.
جوبا ەكى جىل ىشىندە جۇزەگە اسىرىلعان.
بۇل تۋرالى قازاقستان رەسپۋبليكاسىنىڭ عىلىم جانە جوعارى ءبىلىم مينيسترلىگى حابارلادى. مالىمەتكە سايكەس، ازىرلەمە تولىقتاي وقۋ ورنى بازاسىندا ورىندالعان. جوبا يدەيادان باستاپ جوبالاۋ، بولشەكتەردى دايىنداۋ جانە قۇراستىرۋ كەزەڭدەرىن قامتىعان.
جۇمىس ماشينا جاساۋ سالاسىنداعى وزىق تەحنولوگيالار ورتالىعىندا جۇرگىزىلدى. ءار بولشەك الدىمەن تسيفرلىق فورماتتا مودەلدەنىپ، كومپيۋتەرلىك سىناقتان وتكىزىلگەن. سىناق ناتيجەلەرى وڭ بولعان جاعدايدا عانا ءوندىرىس كەزەڭىنە جىبەرىلگەن.
بوليد اۆتوكولىك سالاسىنىڭ وكىلدەرى قاتىسقان شارادا تانىستىرىلدى. جوباعا سەرىكتەس ۇيىمدار دا تارتىلىپ، بولشەكتەردى وڭدەۋ مەن شەتەلدىك كومپونەنتتەردى جەتكىزۋگە قولداۋ كورسەتكەن.
ۋنيۆەرسيتەت رەكتورى سەيىتبەك قۋانىشباەۆ جوبانىڭ باستاماسى 2023 جىلدىڭ باسىندا كوتەرىلگەنىن مالىمدەدى. جوبا اۆتورلارى ازىرلەمەنى Formula Student حالىقارالىق ينجەنەرلىك بايقاۋىندا ۇسىنۋدى جوسپارلاپ وتىر.
