19 ءساۋىر كۇنى قازاق ادەبيەتى مەن رۋحانياتى اۋىر قازاعا ۇشىرادى. كورنەكتى اقىن، قوعام قايراتكەرى مۇحتار شاحانوۆ ومىردەن ءوتتى. ونىڭ ەسىمى مەن رۋحاني مۇراسى حالىق جادىندا ماڭگى ساقتالىپ، ارتىنا قالدىرعان وشپەس ويلارى مەن اسىل سوزدەرى ۇرپاقتان-ۇرپاققا جەتەرى ءسوزسىز. «ادىرنا» ۇلتتىق پورتالى قالامگەردىڭ ولمەس مۇراسىن ۇلىقتاپ، قاناتتى سوزدەرىن وقىرمان نازارىنا ۇسىنادى.
تىلگە قارسى شىققانداردىڭ تاعدىرى تراگەديامەن بىتەدى.
ءسوزى مەن ىسىنە ايىرما سالعاندار – شىندىعىن جوعالتىپ العاندار.
ماحاببات دەگەنىمىز – ەكى پاراساتتى، پايىمدى ادامنىڭ سانا بيىگىندە جولىعۋى. مۇنداي ماحاببات – تەك ۇلى تۇلعالاردا عانا بولادى...
مەنىڭ ماقساتىم دا، ۇستانىمىم دا – نامىسىمىزدى اياققا تاپتاتپاۋ!
جاعىمپازدىق بۇل زاماندا باستى ونەر،
شىندىق وعان بولا الماي ءجۇر تاس كەمەر.
قازىرگى باق قايسار رۋحتى ەردى ەمەس،
ارىن ساتقان جاعىمپازدى ەسكەرەر.
پوەزيادا ءاربىر وي تىڭنان ايتىلۋى ءتيىس. ناعىز پوەزيا تۋدىرۋ – قيىننىڭ قيىنى. بۇل مۇحيتتىڭ تۇبىنەن مارجان ىلگەنمەن بىردەي
بالا جۇرەگى كىشكەنتاي كۇي ساندىق. سول ساندىقتىڭ كىلتىن تاپساڭ عانا اشىلادى. مۇعالىمنىڭ قولىندا ۇنەمى سول كىلت ءجۇرۋى كەرەك.
