بۇگىن - ادەبيەت زەرتتەۋشى، جازۋشى مۇحامەدجان قاراتاەۆتىڭ تۋعان كۇنى.
قازاقستان جازۋشىلار وداعىندا جاۋاپتى حاتشى، توراعا قىزمەتىن اتقارعان مۇحامەدجان قاراتاەۆ قازاق ادەبيەتىنىڭ پروبلەمالارىن زەرتتەپ، ءتۇرلى ەڭبەك جازدى.
وقۋ ورنىندا وقىتۋشى، قازاق مەملەكەتتىك كوركەم ادەبيەت باسپاسىندا رەداكتور، باس رەداكتوردىڭ ورىنباسارى، ديرەكتور، قازاق كسر عا-نىڭ ادەبيەت جانە ونەر ينستيتۋتىندا ءبولىم مەڭگەرۋشىسى، كەڭەسشىسى بولعان قاراتاەۆقا 1938-1951 جىلدارى جالعان ايىپ تاعىلىپ، ساياسي قۋعىنعا ۇشىراعان.
ول العاشقى ءارى ەڭ ءىرى قازاق تىلىندەگى امبەباپ ەنتسيكلوپەديا بولىپ سانالعان قازاق كەڭەس ەنتسيكلوپەدياسىنىڭ نەگىزىن قالاعان.
قازاق كسر عىلىم اكادەمياسى قۇراستىرعان ەنتسيكلوپەديانىڭ 12 تومى 1972—1978 جىلدارى باسىلىپ شىعادى.
قازاق ادەبيەتىنىڭ ساراپشى-زەرتتەۋشىسى «تۋعان ادەبيەت تۋرالى ويلار»، «شەبەرلىك شىڭىنا»، «ەپوستان ەپوپەياعا»، «رەۆوليۋتسيا رۋحىمەن» سىندى رومانداردى جازعان. ودان بولەك، كوركەم اۋدارماعا دا ەلەۋلى ەڭ سىبىرگەن تۇلعا.
كوركەم اۋدارما تەورياسىن دامىتۋعا قىزۋ اتسالىسىپ، قازاق ادەبيەتىن ورىس تىلىنە، ورىس تىلىنەن قازاق تىلىنە اۋدارۋدىڭ نەگىزگى ماسەلەلەرى جايىندا سۇبەلى ەڭبەكتەر جازدى.
