رەسەي اتىنان سوعىسقا قاتىسقان قازاقستاندىقتار سانى ارتقان، دەپ حابارلايدى "ادىرنا" ۇلتتىق پورتالى.
ۋكراينانىڭ ء«ومىر سۇرگىم كەلەدى» جوباسى 2026 جىل بويىنشا رەسەي قورعانىس مينيسترلىگىمەن كەلىسىمشارتقا وتىرىپ، ۋكرايناداعى سوعىسقا قاتىسقان ورتالىق ازيا ەلدەرى ازاماتتارى تۋرالى جاڭارتىلعان مالىمەتتەردى جاريالادى.
جوبا دەرەگىنە سايكەس، قازاقستان ازاماتتارىنىڭ سانى 2389 ادامعا جەتكەن. بۇل كورسەتكىش قازاقستاندى ايماق بويىنشا ءۇشىنشى ورىنعا شىعاردى. الدىڭعى قاتاردا وزبەكستان (4853 ادام) مەن تاجىكستان (3407 ادام) تۇر.
سونداي-اق، قىرعىزستاننان كەمىندە 1439 ازامات، ال تۇرىكمەنستاننان 578 ادام تىركەلگەن.
ايتا كەتەيىك، 2025 جىلدىڭ كوكتەمى مەن جازىندا ء«ومىر سۇرگىم كەلەدى» بۇعان دەيىن 5740 ادامنىڭ ءتىزىمىن جاريالاعان ەدى. سوڭعى ءبىر جىل ىشىندە انىقتالعان ازاماتتار سانى ەكى ەسەدەن استام ءوسىپ، 12 666 ادامعا جەتكەن.
