ۇلىتاۋ وبلىسىنىڭ پروكۋراتۋراسى ۆەدومستۆوارالىق ءوزارا ءىس-قيمىل اياسىندا ياندەكس تاكسي تسيفرلىق پلاتفورماسىن پايدالانۋ ارقىلى قۇقىق بۇزۋشىلىقتاردىڭ الدىن الۋدىڭ جاڭا ءتاسىلىن ىسكە اسىردى.
جۇرگىزىلگەن تالداۋ ءداستۇرلى قۇقىقتىق ءتۇسىندىرۋ جۇمىستارى الاياقتىقتىڭ، ستالكينگتىڭ، ەسىرتكى قىلمىستارىنىڭ جانە وزگە دە قۇقىق بۇزۋشىلىقتاردىڭ الدىن الۋ شارالارىن حالىققا ءاردايىم ءتيىمدى جەتكىزە بەرمەيتىنىن كورسەتتى. وسىعان بايلانىستى تۇرعىندار كۇندەلىكتى پايدالاناتىن سەرۆيستەر ارقىلى ازاماتتاردى قوسىمشا اقپاراتتاندىرۋ تەتىگى قولعا الىندى.
وبلىس پروكۋراتۋراسىنىڭ باستاماسىمەن ياندەكس تاكسي سەرۆيسىمەن تاكسي پاركىن پروفيلاكتيكالىق جۇمىستىڭ ارناسى رەتىندە پايدالانۋ تۋرالى كەلىسىمگە قول جەتكىزىلدى. جوبا اياسىندا اۆتوكولىكتەرگە «زاڭ مەن ءتارتىپ» اقپاراتتىق لوگوتيپتەرى ورنالاستىرىلىپ، جۇرگىزۋشىلەر مەن جولاۋشىلارعا زاڭ تالاپتارى، قوعامدىق ءتارتىپ قاعيدالارى جانە ءوزارا سىيلاستىق ۇستانىمدارى تۇسىندىرىلگەن پروفيلاكتيكالىق بۋكلەتتەر تاراتىلدى.
سونىمەن قاتار، جۇرگىزۋشىلەرمەن جولاۋشىلارعا زاڭ مەن ءتارتىپتى ساقتاۋ ماسەلەلەرى بويىنشا اقپاراتتى سىپايى ءارى بەيرەسمي تۇردە جەتكىزۋدىڭ ماڭىزدىلىعى جونىندە ءتۇسىندىرۋ جۇمىستارى جۇرگىزىلدى.
اتالعان جوبانىڭ باستى ارتىقشىلىعى – اۋديتوريانى كەڭ قامتۋ مۇمكىندىگى. بۇگىندە ۇلىتاۋ وبلىسىنداعى ياندەكس تاكسي اۆتوپاركى 92 اۆتوكولىكتەن تۇرادى. ورتاشا تاپسىرىس كولەمىن ەسكەرە وتىرىپ، پروفيلاكتيكالىق جۇمىسپەن اي سايىن 100 مىڭنان استام ازاماتتى قامتۋعا مۇمكىندىك بار.
تاجىريبە كورسەتكەندەي، بۇل فورمات قۇقىقتىق اقپاراتتى حالىققا جەتكىزۋدىڭ ىڭعايلى ءارى ءتيىمدى ءتاسىلى بولىپ تابىلادى. جولاۋشىلار ساپار بارىسىندا پروفيلاكتيكالىق ماتەريالدارمەن تانىسىپ، ولاردى ءوزارا تالقىلاپ، بۋكلەتتەردى جاقىندارىنا بەرۋ ءۇشىن وزدەرىمەن بىرگە الىپ كەتەدى.
ۇلىتاۋ وبلىسىنىڭ پروكۋراتۋراسى بۇل تەتىكتى ازاماتتاردىڭ قۇقىقتىق مادەنيەتىن ارتتىرۋعا، قۇقىق بۇزۋشىلىقتاردىڭ الدىن الۋعا جانە قوعامدىق ءتارتىپتى نىعايتۋعا باعىتتالعان زاماناۋي ءارى ءتيىمدى پروفيلاكتيكالىق مودەل دەپ سانايدى
