رەسەي سىرتقى ىستەر ءمينيسترى سەرگەي لاۆروۆ 29-30 ءساۋىر كۇندەرى قازاقستانعا كەلەدى. بۇل تۋرالى بريفينگتە ماريا زاحاروۆا مالىمدەدى، دەپ حابارلايدى "ادىرنا".
ساپار بارىسىندا ول پرەزيدەنت قاسىم-جومارت توقاەۆتىڭ قابىلداۋىندا بولادى، سونداي-اق قازاقستاننىڭ سىرتقى ىستەر ءمينيسترى ەرمەك كوشەرباەۆمەن كەزدەسەدى.
"كەزدەسۋدە ەكىجاقتى جان-جاقتى ستراتەگيالىق سەرىكتەستىكتى نىعايتۋ ماسەلەلەرىنە، سونىڭ ىشىندە الداعى جوعارى دەڭگەيدەگى بايلانىستار اياسىنداعى ىنتىماقتاستىققا باسىمدىق بەرىلەدى", - دەدى زاحاروۆا.
سەرگەي لاۆروۆ سوڭعى رەت قازاقستانعا 2025 جىلدىڭ 10 ساۋىرىندە كەلگەن بولاتىن. ول كەزدە الماتىدا تمد ەلدەرى سىرتقى ىستەر مينيسترلەرى كەڭەسىنىڭ وتىرىسى وتكەن.
بۇعان دەيىن ول 2024 جىلعى قاراشادا رەسەي پرەزيدەنتى ۆلاديمير ءپۋتيننىڭ مەملەكەتتىك ساپارىنا دايىندىق اياسىندا استاناعا كەلگەن. ول 2004 جىلدان بەرى ۇزدىكسىز سىرتقى ىستەر ءمينيسترى قىزمەتىن اتقارىپ كەلەدى.
ايتا كەتەرى، 2026 جىلدىڭ مامىر ايىندا قازاقستان ۆلاديمير ءپۋتيندى تاعى دا قابىلداۋعا دايىندالىپ جاتىر.
ۇقساس جاڭالىقتار
