يزرايل مەملەكەتىنىڭ پرەزيدەنتى يتسحاك گەرتسوگتىڭ قازاقستانعا ساپارى ءساۋىر ايىنىڭ سوڭىنا دەيىن كۇتىلەدى. بۇل تۋرالى قازاقستان پرەمەر-ءمينيسترى ولجاس بەكتەنوۆتىڭ وكىمىندە ايتىلعان، دەپ حابارلايدى “ادىرنا”.
«2026 جىلعى 27-28 ساۋىردە استانا قالاسىندا يزرايل مەملەكەتىنىڭ پرەزيدەنتى يتسحاك گەرتسوگتىڭ قازاقستان رەسپۋبليكاسىنا رەسمي ساپارىن (بۇدان ءارى – ساپار) دايىنداۋ مەن وتكىزۋدى قامتاماسىز ەتۋ ماقساتىندا:
1. قازاقستان رەسپۋبليكاسى سىرتقى ىستەر مينيسترلىگى بەلگىلەنگەن تارتىپپەن ساپاردى دايىنداۋ جانە وتكىزۋ بويىنشا حاتتامالىق-ۇيىمداستىرۋشىلىق ءىس-شارالاردى، ونىڭ ىشىندە قازاق، ورىس، اعىلشىن تىلدەرىنە جانە يۆريت تىلىنە ىلەسپە جانە دايەكتى اۋدارمانى قامتاماسىز ەتسىن.
2. قازاقستان رەسپۋبليكاسى پرەزيدەنتىنىڭ ءىس باسقارماسى (كەلىسىم بويىنشا) بەلگىلەنگەن تارتىپپەن ساپار كەزىندە يزرايل مەملەكەتىنىڭ رەسمي دەلەگاتسياسىنىڭ باسشىسى مەن مۇشەلەرىنە (بۇدان ءارى – رەسمي دەلەگاتسيا باسشىسى مەن مۇشەلەرى) قىزمەت كورسەتۋ بويىنشا ۇيىمداستىرۋشىلىق شارالاردى قابىلداسىن»، - دەلىنگەن قازاقستان پرەمەر-ءمينيسترى ولجاس بەكتەنوۆتىڭ وكىمىندە.
سونداي-اق، وكىم مەملەكەتتىك كۇزەت قىزمەتىنە، كولىك مينيسترلىگىنە، ۇلتتىق قاۋىپسىزدىك كوميتەتىنە جانە بىرقاتار باسقا دا مەملەكەتتىك ورگاندار مەن قۇرىلىمدارعا قاتىستى شارالاردى قامتيدى.
