ءساۋىر ايىنىڭ سوڭىندا ماسكەۋ قالاسىندا كۇتپەگەن قار جاۋدى، دەپ حابارلايدى "ادىرنا" ۇلتتىق پورتالى Euronews-كە سىلتەمە جاساپ.
سينوپتيكتەردىڭ مالىمەتىنشە، مەگاپوليستە قار قالىڭدىعى 12 سانتيمەترگە دەيىن جەتكەن. ايتا كەتەرلىگى، 27 ءساۋىر كۇنى مۇنداي كولەمدە قار ءتۇسۋى قالا تاريحىندا العاش رەت تىركەلىپ وتىر. مامانداردىڭ ايتۋىنشا، اۋا رايىنىڭ كۇرت سۋىتۋىنا بالتىق تسيكلوندارى سەبەپ بولعان. وسىعان بايلانىستى قالادا «قىزعىلت سارى» دەڭگەيدەگى داۋىلدى ەسكەرتۋ جاريالاندى. الداعى كۇندەرى بوران كۇشەيىپ، كوكتايعاق پايدا بولۋى جانە قۇرعاق نايزاعاي بولۋى مۇمكىن.
قاردىڭ قالىڭ ءتۇسۋى سالدارىنان قالا كوشەلەرىندە كولىك قوزعالىسى قيىنداپ، كەي جەرلەردە اعاشتار قۇلاعان. سونىمەن قاتار، ماسكەۋ وبلىسىنىڭ بىرقاتار اۋداندارى جارىقسىز قالعان. قاۋىپسىزدىك ماقساتىندا قالاداعى كوپتەگەن ساياباق جابىلىپ، ەلەكتروساموكاتتار مەن ۆەلوسيپەدتەردى جالعا بەرۋ ۋاقىتشا توقتاتىلدى.
