استانادا تۇراتىن ءىت سالاسىنىڭ مامانى زارينا اسەنوۆا ىشكى ءتۋريزمدى دامىتىپ ءجۇر، دەپ حابارلايدى "ادىرنا" ۇلتتىق پورتالى Digitalbusinesskazakhstan-عا سىلتەپ.
زارينا اسەنوۆا سەمەي قالاسىندا دۇنيەگە كەلگەن. 2001 جىلى ول استاناداعى ماسكەۋ مەملەكەتتىك ۋنيۆەرسيتەتىنىڭ قازاقستاندىق فيليالىنا «ماتەماتيك-باعدارلاماشى» ماماندىعى بويىنشا وقۋعا تۇسەدى. قازىر كۆازيمەملەكەتتىك سەكتوردا ءىت سالاسىندا جۇمىس ىستەيدى.
پاندەميا كەزىندە ول ىشكى تۋريزمگە قىزىعىپ، تابيعات اياسىندا دەمالۋدىڭ جاڭا ءتۇرىن ىزدەي باستايدى. سول كەزدە اتقا ءمىنۋ ءحوببيى پايدا بولىپ، كەيىن بۇل قىزىعۋشىلىق ۇلكەن جوباعا ۇلاسادى. وسىلايشا اسەنوۆا سەرىكتەسىمەن بىرگە Uly Dala Style اتتى ات كلۋبىن ىسكە قوسادى.
كاسىپكەردىڭ ايتۋىنشا، جوباعا شامامەن 90 ميلليون تەڭگە ينۆەستيتسيا سالىنعان. دەگەنمەن ات سپورتىنا بايلانىستى جەم-ءشوپ، كۇتىم، ينفراقۇرىلىم شىعىندارى بيزنەستىڭ تەز تابىسقا شىعۋىنا مۇمكىندىك بەرمەي وتىر.
ال زارينا اسەنوۆا بۇل جوبا جاي عانا بيزنەس ەمەستىگىن ايتادى. ول جانۋارلارعا دەگەن ەرەكشە قامقورلىق پەن دالا مادەنيەتىن ناسيحاتتاۋدى باستى ماقسات دەپ ساناعان. قازىر ونىڭ نەگىزگى ماقساتى — كلۋبتى كەم دەگەندە ءوزىن-ءوزى اقتايتىن دەڭگەيگە جەتكىزۋ.
