پاۆلودار وبلىسىندا تەرەڭكول اۋدانىنىڭ 26 جاستاعى تۇرعىنى ءوز ءۇش جاسار قىزىن ءولتىردى دەگەن ايىپپەن سوت الدىندا جاۋاپ بەرىپ جاتىر. بۇل تۋرالى irbistv.kz-كە سىلتەمە جاساپ "ادىرنا" حابارلايدى.
تەرگەۋ دەرەكتەرىنە سايكەس، قايعىلى وقيعا 2025 جىلدىڭ قىركۇيەگىندە بولعان. الدىن الا بولجام بويىنشا، قىلمىسقا ەر ادامنىڭ اكەلىككە قاتىستى كۇمانى سەبەپ بولعان.
سوتتا ايتىلعانداي، بالاعا جاسالعان زورلىق-زومبىلىق جۇيەلى تۇردە سيپات العان جانە 2025 جىلدىڭ قاڭتارىنان بەرى جالعاسقان. ايىپتاۋ نۇسقاسىنا سايكەس، ەر ادام قىزدى توسەككە بايلاپ قويىپ، وعان ۇنەمى كۇش قولدانعان.
وقيعا بولعان كۇنى ايىپتالۋشى ماس كۇيىندە قىزىن وزىمەن بىرگە الىپ كەتىپ، تەرگەۋ مالىمەتىنشە، ونىڭ ومىرىنە قاۋىپتى اۋىر جاراقاتتار سالعان. بالا اۋرۋحاناعا جەتكىزىلگەنىمەن، ونى امان الىپ قالۋ مۇمكىن بولمادى.
دارىگەرلەر اۋىر ىشكى زاقىمداردى، سونىڭ ىشىندە باۋىردىڭ جىرتىلۋى مەن قان قۇيىلۋدى تىركەگەن.
ەر ادامعا ازاپتاۋ جانە ادام ءولتىرۋ باپتارى بويىنشا ايىپ تاعىلعان. وعان ءومىر بويىنا باس بوستاندىعىنان ايىرۋ جازاسى قاۋپى ءتونىپ تۇر. ايىپتالۋشى كىناسىن مويىنداماي وتىر.
