پاۆلوداردا 63 ملن تەڭگە جىمقىرعانى ءۇشىن بالاباقشا ديرەكتورى مەن باس ەسەپشىسى سوتتالدى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
62 جاستاعى قالا تۇرعىنى بالاباقشا ديرەكتورى لاۋازىمىندا جۇمىس ىستەپ، ەسەپشىسىمەن بىرگە وزىنە سەنىپ تاپسىرىلعان مۇلىكتى اسا ءىرى مولشەردە جىمقىرۋ جولىمەن ۇرلاپ كەتكەن.
ديرەكتور مەن ەسەپشى جەتى جىل ىشىندە زاڭسىز بىرنەشە شتاتتىق بىرلىكتەردى بەلگىلەپ جانە بەلگىلەنگەن بىرلىكتەردەن تىس قوسىمشا تولەمدەردى ءوز پايداسىنا زاڭسىز ەسەپتەپ وتىرعان. سونداي-اق مىندەتتى زەينەتاقى جارنالارى مەن مىندەتتى الەۋمەتتىك مەديتسينالىق ساقتاندىرۋعا اۋدارمالار جاساعان.
«وسىلايشا قاسكويلەر مەملەكەتكە جالپى سوماسى 63 ملن تەڭگەگە جۋىق ماتەريالدىق شىعىن كەلتىردى. سوت ولاردى قر قك-ءنىڭ 189-بابىندا (سەنiپ تاپسىرىلعان بوتەن مۇلiكتi يەمدەنiپ الۋ نەمەسە تالان-تاراجعا سالۋ) كوزدەلگەن قىلمىس جاساعانى ءۇشىن كىنالى دەپ تاۋىپ، جەتى جىل مەرزىمگە باس بوستاندىعىنان ايىرۋ جازاسىن تاعايىندادى»،—دەلىنگەن حابارلامادا.
بۇرىنعى بالاباقشا ديرەكتورى اباي وبلىسى قاجد-عا قاراستى № 23 مەكەمەنىڭ كارانتين بولىمشەسىندە جازاسىن وتەۋدى باستادى. سوتتالعان ازامات ءوز كىناسىن مويىندادى، مەملەكەت پايداسىنا جانە جابىرلەنۋشىلەرگە كەلتىرىلگەن بورىشتىڭ ءبىر بولىگىن تولەدى. قالعان بورىشتى تولەۋ ءۇشىن جازاسىن وتەۋ بارىسىندا جۇمىسقا ورنالاسىپ تولەۋگە دە دايىن.
«ال بۇرىنعى ەسەپشىگە قاتىستى، سوت سوتتالۋشىنىڭ بەس جاسار قىزى بار ەكەنىڭ ەسكەرىپ، وعان بەس جىل مەرزىمگە باس بوستاندىعىنان ايىرۋ جازاسىن وتەۋدى كەيىنگە قالدىردى»،—دەيدى مەكەمە باستىعىنىڭ ورىنباسارى انار سابيەۆا.
