استانا قالاسىنداعى ستوماتولوگيالىق ورتالىقتاردىڭ بىرىندە 20 جاستاعى تۇرعىن قايتىس بولدى، دەپ حابارلايدى "ادىرنا" ۇلتتىق پورتالى.
الەۋمەتتىك جەلىدە جىگىتتىڭ تۋىستارى ەمحاناداعى ولقىلىقتى ايتىپ، جازبا جاريالاعان. بۇعان دەيىن جازبادا مارقۇم ەسبولعان مۇرات جەڭىسحانۇلىنا ستوماتولوگيالىق پروتسەدۋرا كەزىندە دۇرىس ەم كورسەتىلمەگەنى دە اتالعان.
بۇل اقپاراتتى قالالىق پوليتسيا دەپارتامەنتى راستادى. ۆەدومستۆو مالىمەتىنشە، اتالعان دەرەك بويىنشا سوتالدى تەرگەۋ باستالعان.
«قالاداعى ستوماتولوگيالىق ورتالىقتاردىڭ بىرىندە 20 جاستاعى تۇرعىننىڭ قايتىس بولۋ دەرەگى بويىنشا استانا قالاسىنىڭ پوليتسيا دەپارتامەنتى سوتالدى تەرگەۋ جۇرگىزىپ جاتىر. قازىرگى ۋاقىتتا بىرقاتار تەرگەۋ شارالارى تاعايىندالدى. قورىتىندىسى بويىنشا پروتسەستىك شەشىم قابىلدانادى»، – دەلىنگەن حابارلامادا.
