Astana qalasyndaǧy stomatologiialyq ortalyqtardyŋ bırınde 20 jastaǧy tūrǧyn qaitys boldy, dep habarlaidy "Adyrna" ūlttyq portaly.
Äleumettık jelıde jıgıttıŋ tuystary emhanadaǧy olqylyqty aityp, jazba jariialaǧan. Būǧan deiın jazbada marqūm Esbolǧan Mūrat Jeŋıshanūlyna stomatologiialyq prosedura kezınde dūrys em körsetılmegenı de atalǧan.
Būl aqparatty qalalyq Polisiia departamentı rastady. Vedomstvo mälımetınşe, atalǧan derek boiynşa sotaldy tergeu bastalǧan.
«Qaladaǧy stomatologiialyq ortalyqtardyŋ bırınde 20 jastaǧy tūrǧynnyŋ qaitys bolu deregı boiynşa Astana qalasynyŋ Polisiia departamentı sotaldy tergeu jürgızıp jatyr. Qazırgı uaqytta bırqatar tergeu şaralary taǧaiyndaldy. Qorytyndysy boiynşa prosestık şeşım qabyldanady», – delıngen habarlamada.
