2022 jyldyń 9 qarashasynda QR Prezıdenttigine Jalpyulttyq soıal-demokratııalyq partııasy atynan kandıdat Nurlan Áýesbaev Astana qalasynda saılaýshylarmen kezdesý ótkizdi.
Kezdesý barysynda kandıdat jınalǵan qaýymǵa saılaýaldy baǵdarlamasynyń basym baǵyttary jóninde baıandap berdi.
Nurlan Áýesbaevtyń pikirinshe, memleket aldynda turǵan basty máselelerdiń biri – sybaılas jemqorlyqtyń deńgeıin tómendetý. Ol úshin birqatar saıası reformalardy júzege asyrý kerek.
Reformalardyń biri bıýdjet proedýralaryn jetildirýmen aıqyndalady. Ár eldi-mekende ózine tıesili ashyq bıýdjet jasaqtalyp, naqty ýaqyt rejıminde onlaın túrde memleket aqshasynyń qalaı jáne qaıda jumsalyp jatqandyǵy ashyq kórsetilip otyrýy kerek.
Sondaı-aq, ortalyq jáne jergilikti atqarý organdarynda barlyq deńgeıdegi depýtattar men sheneýnikterdiń kiris-shyǵysy týraly mindetti jarııa deklaraııany shuǵyl túrde engizý qajet.
Sonymen birge Nurlan Áýesbaev zańsyz baıýǵa qatysty qylmystyq jaýapkershilikti qatańdatýdy usyndy. Onyń pikirinshe, paraqorlarmen nátıjeli kúrestiń jalǵyz joly osy.
