ياكۋتيادان كەلگەن بويجەتكەن الماتى قالاسى تۋرالى اسەرىمەن ءبولىستى. ول مەگاپوليستىڭ باستى ەرەكشەلىكتەرىنىڭ ءبىرى رەتىندە قالا ءومىرى مەن تابيعاتتىڭ ۇيلەسىمىن اتاپ ءوتتى. بۇل تۋرالى ول جەلىدە ۆيدەو جاريالادى، دەپ حابارلايدى “ادىرنا”.
اۆتوردىڭ ايتۋىنشا، الماتىدا نەبارى 30 مينۋت ىشىندە تاۋعا جەتۋگە بولادى. بۇل قالا تۇرعىندارىنا تازا اۋادا سەرۋەندەپ، تىنىشتىق پەن تابيعات اياسىندا دەمالۋعا مۇمكىندىك بەرەدى. ونىڭ پىكىرىنشە، ءدال وسىنداي كونتراست — قاربالاس مەگاپوليس پەن كوركەم تاۋلى ايماقتىڭ جاقىندىعى — الماتىنى وزگەشە ەتەدى.
سونداي-اق، ول الماتىلىقتاردىڭ ءومىر سالتىنا نازار اۋداردى. قالا تۇرعىندارى كەز كەلگەن ساتتە ديناميكالىق ورتادان شىعىپ، تابيعات قۇشاعىنا ەنە الادى. بۇل مۇمكىندىك، ونىڭ سوزىنشە، كوپتەگەن ءىرى قالالاردا كەزدەسە بەرمەيدى.
«الماتىلىقتار، سىزدەر ەڭ باقىتتى ادامدارسىزدار»، — دەپ اتاپ ءوتتى بويجەتكەن. ول مۇنداي جاعدايدى «سيرەك كەزدەسەتىن ارتىقشىلىق» دەپ باعالادى.
