فوتو:armeniatoday
ۋكراينا پرەزيدەنتى ۆلاديمير زەلەنسكي ارمەنيا استاناسى ەرەۆانعا ەۋروپالىق ساياسي قاۋىمداستىق سامميتىنە قاتىسۋ ءۇشىن باردى. بۇل ساپار ايماقتاعى گەوساياسي جاعدايدىڭ كۇردەلەنە تۇسكەن كەزەڭىندە ءوتىپ وتىر جانە حالىقارالىق نازاردى وزىنە اۋدارۋدا، دەپ حابارلايدى “ادىرنا”.
ارمەنپرەسس اگەنتتىگىنىڭ حابارلاۋىنشا، «زۆارتنوتس» اۋەجايىندا زەلەنسكيدى ارمەنيا پارلامەنتىنىڭ سپيكەرى الەن سيمونيان قارسى العان.
ەرەۆاندا ۋكراينا پرەزيدەنتى 4 مامىر كۇنى وتەتىن ەۋروپالىق ساياسي قاۋىمداستىق (ەسق) سامميتىنە قاتىسادى.
بۇعان دەيىن اندرەي بابيش 3 مامىر كۇنى ەسق ءسامميتى اياسىندا ارمەنيادا زەلەنسكيمەن قىسقا كەلىسسوزدەر جۇرگىزەتىنى حابارلانعان.
سونداي-اق، باق-تا رەسەيدىڭ ارمەنياعا قارسى سانكتسيالار ءتىزىمىن ازىرلەپ جاتقانى تۋرالى اقپارات تاراعان. بۇل ەرەۆاننىڭ سوڭعى ارەكەتتەرىنە جاۋاپ رەتىندە قاراستىرىلۋدا، سونىڭ ىشىندە ۋكراينا پرەزيدەنتىنىڭ سامميت اياسىندا ارمەنياعا ىقتيمال ساپارى دا انتيرەسەيلىك قادام رەتىندە باعالانۋدا.
