استانادا ۇقك بۇرىنعى توراعاسى كارىم ءماسىموۆتىڭ سامۋراي قىلىشى اۋكتسيوندا 1 ملن 587 تەڭگەگە ساتىلدى، دەپ حابارلايدى «ادىرنا» ءتىلشىسى.
لوتتىڭ باستاپقى باعاسى 379 904 تەڭگە بولعان. اۋكتسيون 29 ساۋىردە ساعات 12:00-دە ءوتىپ، 1 586 954 تەڭگەگە ساتىلعان. كەپىلدىك جارناسى 81 408 تەڭگەنى قۇرادى.
ساۋدا باعانى ارتتىرۋ ادىسىمەن جۇرگىزىلگەن، سونىمەن قاتار جالعىز قاتىسۋشىعا ساتۋ مۇمكىندىگى قاراستىرىلعان. ناتيجەسىندە اۋكتسيون ءوتتى دەپ تانىعان.
لوت سيپاتتاماسىندا قىلىش بولاتتان جاسالعانى، بويلىق ويىعى بار ەكەنى كورسەتىلگەن. قىنى قارا ءتۇستى ماتەريالدان جاسالعان، ال سابى سۇر مەتالدان، گەومەتريالىق ورنەكپەن بەزەندىرىلگەن.
باعالاۋ قۇجاتىنا سايكەس، مۇلىكتىڭ قۇنى 542 719 تەڭگە بولعان. ساتۋشى رەتىندە «قايتارىلعان اكتيۆتەردى باسقارۋ كومپانياسى» جشس كورسەتىلگەن. نىسان نۇرا اۋدانىندا ورنالاسقان.
اۋكتسيون باعاسىنا قوسىمشا 16% ققس قوسىلاتىنى اتاپ وتىلگەن. پوتەنتسيالدى ساتىپ الۋشىلارعا ساۋدا باستالعانعا دەيىن لوتپەن تانىسۋ مۇمكىندىگى بەرىلگەن.
