چەحيا پرەمەر-ءمينيسترى اندرەي بابيش ءوز ەلىنىڭ سىرتقى ىستەر مينيسترلىگىنىڭ قازاقستانعا قاتىستى كۇتپەگەن ءوتىنىش جاساعانىن ايتتى، دەپ حابارلايدى «ادىرنا» ءتىلشىسى ربك-عا سىلتەمە جاساپ.
شەتەلدىك باق مالىمەتىنشە، بۇل تۋرالى ول TV Nova تەلەارناسىنا بەرگەن سۇحباتىندا ايتقان.
«ولار ماعان سىرتقى ىستەر مينيسترلىگى دايىنداعان جازبانى بەردى، وندا مەن قازاقستاندى رەسەي جانە قىتايمەن قارىم-قاتىناستى شەكتەۋگە شاقىرۋىم كەرەك دەپ جازىلعان. بۇل – تاڭعالارلىق جايت»، — دەدى چەحيا پرەمەرى.
قۇجاتتى كىم دايىنداعانى جونىندە سۇراققا بابيش «كەيبىر شەنەۋنىك» دەپ جاۋاپ بەردى. سونداي-اق ول بۇل بۇرىنعى سىرتقى ىستەر ءمينيسترى يان ليپاۆسكي بولۋى مۇمكىن ەكەنىن دە اتاپ ءوتتى.
بابيش سونىمەن قاتار الدىڭعى ۇكىمەتتىڭ سىرتقى ساياسات باعىتىن سىنعا الىپ، ونىڭ ەل مۇددەسىنە زيان كەلتىرگەنىن ايتتى. ونىڭ سوزىنشە، الەمدىك دەرجاۆالارمەن، سونىڭ ىشىندە قىتايمەن قارىم-قاتىناس تاريحتاعى ەڭ ناشار دەڭگەيدە ەكەنىن، بۇل چەحيا كومپانيالارىنا كەرى اسەرىن تيگىزىپ وتىر.
چەحيا پرەمەرىنىڭ بۇل مالىمدەمەسى ونىڭ وتكەن اپتادا استاناعا جاساعان ساپارىنان كەيىن ايتىلدى.
