استانادا نازارباەۆ ۋنيۆەرسيتەتىنە تيەسىلى پاتەرلەردىڭ بىرىنەن اتىس قارۋى تابىلۋىنا بايلانىستى سوتقا دەيىنگى تەرگەۋ باستالدى. قالا پوليتسياسى قوعامدا كەڭ رەزونانس تۋدىرعان وقيعاعا قاتىستى ءمان-جايدى ناقتىلادى، دەپ حابارلايدى «ادىرنا» ءتىلشىسى NewTimes.kz-كە سىلتەمە جاساپ.
تەرگەۋگە نەگىز بولعان جايت — دەپۋتات مۇرات ابەنوۆتىڭ مالىمدەمەسى. ول «قارۋ ارسەنالى تابىلعانىن» جانە شەتەل ازاماتتارىنىڭ ۇستالعانىن حابارلاعان. الايدا قۇقىق قورعاۋ ورگاندارى ۇستالعاندار تۋرالى اقپاراتتى جوققا شىعاردى، بىراق قارۋدىڭ تابىلعانىن راستادى. الدىن الا دەرەك بويىنشا، تاركىلەنگەن زاتتار تاريحي قۇندىلىعى بار انتيكۆارلىق قارۋ بولۋى مۇمكىن.
قىلمىستىق ءىس 21 ساۋىردە سارىارقا اۋدانى پوليتسيا باسقارماسىمەن تىركەلگەن. تەرگەۋ قر قىلمىستىق كودەكسىنىڭ 287-بابى 3-بولىگى (اتىس قارۋىن زاڭسىز ساقتاۋ) بويىنشا جۇرگىزىلۋدە.
بۇل باپ بويىنشا ءىرى كولەمدە ايىپپۇل سالۋدان (19,6 ملن تەڭگەگە دەيىن) باستاپ، بەس جىلعا دەيىن باس بوستاندىعىن شەكتەۋ نەمەسە باس بوستاندىعىنان ايىرۋ جازاسى قاراستىرىلعان.
عىلىم جانە جوعارى ءبىلىم ءمينيسترى ساياسات نۇربەك ۋنيۆەرسيتەتتىڭ وزىنە تەكسەرىس جۇرگىزۋگە نەگىز جوق ەكەنىن ايتتى. ونىڭ سوزىنشە، ۋنيۆەرسيتەت قىزمەتتىك تۇرعىن ءۇيدى ءوز قالاۋىنشا پايدالانىپ، جالعا بەرۋگە قۇقىلى.
ايتا كەتەيىك، قازىرگى تاڭدا پوليتسيا تەرگەۋ كىمگە قاتىستى ءجۇرىپ جاتقانىن ناقتىلاماي وتىر.
