استانادا يمانوۆ كوشەسىندەگى ۇيلەردىڭ ءبىرىنىڭ اۋلاسىندا اۆتوكولىك جۇرگىزۋشىسى جولدىڭ ءجۇرۋ بولىگىنە جۇگىرىپ شىققان كىشكەنتاي بالانى قاعىپ كەتتى، بالا العان جاراقاتتارىنان وقيعا ورنىندا كوز جۇمدى. بۇل تۋرالى استانا قالالىق پوليتسيا دەپارتامەنتى مالىمدەدى، دەپ حابارلايدى "ادىرنا".
«اعىمداعى جىلدىڭ 3 مامىرىندا يمانوۆ كوشەسىندەگى ءۇيدىڭ اۋلاسىندا Kia Seltos اۆتوكولىگىنىڭ جۇرگىزۋشىسى اۋلا ىشىمەن قوزعالىپ بارا جاتىپ، جولدىڭ ءجۇرۋ بولىگىنە جۇگىرىپ شىققان كىشكەنتاي بالانى قاعىپ كەتتى. جول-كولىك وقيعاسى سالدارىنان بالا العان جاراقاتتارىنان وقيعا ورنىندا قوز جۇمدى»، - دەلىنگەن حابارلامادى.
جكو فاكتىسى بويىنشا قىلمىستىق ءىس قوزعالدى. تەرگەۋ امالدارى جۇرگىزىلۋدە.
«پوليتسيا جۇرگىزۋشىلەرگە اۋلالاردا جانە ىرگەلەس اۋماقتاردا قوزعالىس كەزىندە بارىنشا مۇقيات بولۋ قاجەتتىگىن، جولعا بالالاردىڭ شىعىپ كەتۋى مۇمكىن ەكەنىن ەسكەرۋدى، ال اتا-انالارعا — قايعىلى جاعدايلاردى بولدىرماۋ ءۇشىن كىشكەنتاي بالالاردى جول جيەگىندە جانە اۋلالاردا قاراۋسىز قالدىرماۋدى ەسكەرتەدى»، - دەدى پوليتسيا.
