اقش مەملەكەتتىك حاتشىسى ماركو رۋبيو يرانعا قارسى «ەپيكالىق قاھار» اتتى امەريكالىق وپەراتسيانىڭ اياقتالعانىن، پرەزيدەنت دونالد ترامپ بۇل كەزەڭنىڭ اياقتالعانى جونىندە كونگرەسكە حابار بەرگەنىن ايتتى، دەپ حابارلايدى «ادىرنا» ءتىلشىسى.
«ەپيكالىق قاھار» وپەراتسياسى اياقتالدى، ءبىز بۇل كەزەڭنىڭ اياقتالعانىن كونگرەسكە حابارلادىق. ەندى ءبىز «بوستاندىق جوباسى» وپەراتسياسىن باستادىق»، – دەدى رۋبيو اق ۇيدە جۋرناليستەر الدىندا سويلەگەن سوزىندە.
ايتۋىنشا، اقش-تىڭ قازىرگى باستى باسىمدىعى – ورمۇز بۇعازى ارقىلى تەڭىز تاسىمالىن قايتا قالپىنا كەلتىرۋ. ول اقش-تىڭ اتىستى توقتاتۋ كەزەڭىندەگى اسكەري ارەكەتتەرىن «قورعانىس وپەراتسياسى» دەپ اتادى.
ترامپ ەگەر كەلىسسوزدەر ءساتسىز اياقتالسا، نەمەسە يران قولدانىستاعى ءبىتىمدى بۇزسا، اۋە سوققىلارىن قايتا باستاۋ مۇمكىندىگىن جوققا شىعارمادى.
