وڭتۇستىك قىتاي تەڭىزىنە اتتانعان اقش لاينەرلەرى پەكيننىڭ اشۋىنا ءتيىپ وتىر

4790
Adyrna.kz Telegram
اقش-تىڭ "Ronald Reagan" اتتى بومبالاۋشى ۇشاقتاردى تاسىمالداۋشى اۆيالاينەرى وڭتۇستىك قىتاي تەڭىزىنە جول تارتتى. بۇل جايىندا وتكەن دۇيسەنبى كۇنى اقش-تىڭ 7-ءشى تەڭىز فلوتىنىڭ ءباسپاسوز قىزمەتى حابارلاما جاسادى. "Ronald Reagan" اۋە-تەڭىز قورعانىس كۇشتەرىنىڭ تاسىمالداۋشى اۆيالاينەرى وڭتۇستىك قىتاي تەڭىزىندە 2021 جىلى العاش رەت اتتانىپ وتىر.
"Ronald Reagan" اۋە-تەڭىز قورعانىس كۇشتەرىنىڭ تاسىمالداۋشى اۆيالاينەرى تەڭىزدەگى قاۋىپسىزدىكتى قامتاماسىز ەتۋ بويىنشا وپەراتسيالاردى جۇزەگە اسىرادى. تاسىمالداۋشى لاينەر اۋە رەيستەرىن جەتكىزۋگە، اسكەري-تەڭىز مانەۆرلەرىن وتكىزۋگە، اۋە-قورعانىس كۇشتەرى بولىمشەلەرىنىڭ تاكتيكالىق دايىندىعىن ىسكە اسىرۋ جۇمىستارىن اتقارادى.
وڭتۇستىك قىتاي تەڭىزىنە اتتانعان "Ronald Reagan" اۋە-تەڭىز قورعانىس كۇشتەرىنىڭ تاسىمالداۋشى اۆيالاينەرىنىڭ  كەلۋى رەسمي پەكيننىڭ اشۋىنا ءتيىپ وتىر. سەبەبى، قىتايدىڭ وڭتۇستىك شىعىس ايماقتاردا، ارحيپەلاگتار مەن ارالداردا ورنالاسقان ەلدەردىڭ سۋۆەرەنيتەتىن مويىندامايدى. ءوزىنىڭ مەنشىگى رەتىندە سانايدى. ال، بۇل ايماقتارعا اقش-تىڭ كەمەلەرىنىڭ جاقىنداۋى قىتايدىڭ ءتۇن ۇيقىسىن بۇزىپ وتىر.
رەسمي پەكين ۆاشينگتوننىڭ بۇل اسكەري ءىس-قيمىلى مەن ارەكەتىن ارالدار مەن ارحيپەلاگتارداعى قاساقانا ارانداتۋ دەپ اتادى. ال، ۆاشينگتون بولسا، حالىقارالىق سۋ جولدارىندا ەمىن-ەركىن ءجۇرۋدى اقش-تىڭ حالىقارالىق شارتتاردا كورسەتىلگەن ەرەجەلەردى بۇزعانى دەپ سانامايدى.
بەكبولات قارجان،
"ادىرنا" ۇلتتىق پورتالى 
پىكىرلەر