دامحاناداعى جارىلىستان سوڭ قوزعالعان قىلمىستىق ءىس اياسىندا «پالاۋ ورتالىعى» ءدامحاناسىنىڭ يەسىن قاماۋدا ۇستاۋ مەرزىمى تاعى ءبىر ايعا ۇزارتىلدى، دەپ حابارلايدى "ادىرنا" ۇلتتىق پورتالى.
2026 جىلدىڭ 4 ناۋرىزىندا كوكشەتاۋ قالاسىنىڭ مامانداندىرىلعان تەرگەۋ سوتى كۇدىكتىنى ەكى اي مەرزىمگە قاماۋعا الۋعا سانكتسيا بەرگەن. ەندى تەرگەۋ سوتىنىڭ شەشىمىمەن بۇل مەرزىم قوسىمشا ءبىر ايعا ۇزارتىلىپ وتىر.
قۇزىرلى ورگانداردىڭ مالىمەتىنشە، اتالعان فاكتى بويىنشا قىلمىستىق كودەكستىڭ 292-بابى 3-بولىگى بويىنشا ءىس قوزعالعان. بۇل باپ «ابايسىزدا ەكى نەمەسە ودان دا كوپ ادامنىڭ ولىمىنە اكەپ سوققان ءورت قاۋىپسىزدىگى تالاپتارىن بۇزۋ» دەرەگىن قامتيدى.
ايتا كەتەيىك، قايعىلى وقيعا ششۋچە قالاسىنداعى «پالاۋ ورتالىعى» ءدامحاناسىندا بولعان گاز باللونى جارىلىسىنان كەيىن تىركەلگەن. وقيعا سالدارىنان 12 ادام كوز جۇمعانى حابارلاندى.
