Instagram الەۋمەتتىك جەلىسى 8 مامىردان باستاپ جەكە حابارلامالارداعى تولىق شيفرلاۋدى قولداۋدى توقتاتتى. بۇل شەشىمنەن كەيىن پايدالانۋشىلار اراسىنداعى حات الماسۋ مازمۇنى كومپانيا تاراپىنان تەحنيكالىق تۇرعىدا قولجەتىمدى بولۋى مۇمكىن، دەپ حابارلايدى "ادىرنا" پورتالى TRT اگەنتتىگىنە سىلتەپ.
بۇعان دەيىن تولىق شيفرلاۋ تەك قولدانۋشىلاردىڭ وزدەرى ارنايى قوسقان جاعدايدا عانا ىسكە قوسىلاتىن. ەندى بۇل قورعانىس مەحانيزمى كەڭ اۋقىمدا قولدانىلمايتىن بولىپ وزگەرتىلىپ وتىر.
كومپانيا وكىلدەرىنىڭ ايتۋىنشا، مۇنداي قادام شيفرلاۋ فۋنكتسياسىنىڭ جەتكىلىكتى دەڭگەيدە قولدانىلماۋىمەن بايلانىستى. ستاتيستيكاعا سايكەس، قورعالعان رەجيمدى تەك پايدالانۋشىلاردىڭ شاعىن بولىگى عانا ىسكە قوسقان.
وزگەرىستەر الدىمەن اۆسترالياداعى قولدانۋشىلارعا ەنگىزىلگەن. الداعى ۋاقىتتا بۇل جاڭارتۋ باسقا وڭىرلەرگە دە تارالۋى مۇمكىن.
سونىمەن قاتار Instagram پلاتفورماسىندا جاڭا فۋنكتسيالار تەستىلەنىپ جاتىر. ولاردىڭ قاتارىندا تەك ءبىر رەت كورۋگە بولاتىن فوتوسۋرەتتەر جىبەرۋگە مۇمكىندىك بەرەتىن Instants قوسىمشاسى جانە «Stories»-ءتى ءانونيمدى تۇردە كورۋگە جاعداي جاسايتىن پرەميۋم-جازىلىم قىزمەتى بار.
ساراپشىلاردىڭ پىكىرىنشە، بۇل وزگەرىستەر الەۋمەتتىك جەلىدەگى قۇپيالىلىق پەن دەرەكتەر قاۋىپسىزدىگىنە قاتىستى جاڭا تالقىلاۋلارعا سەبەپ بولۋى مۇمكىن.
