تالعار اۋدانىنىڭ وستەمىر اۋىلى ماڭىندا ورنالاسقان "ساز تالعار №2" سۋ قويماسىندا ەكى وقۋشى سۋعا باتىپ كەتتى. وقيعا تۋرالى حابارلاما 8 مامىر، جۇما كۇنى 112 جەلىسىنە تۇسكەن، دەپ حابارلايدى "ادىرنا".
اتا-اناسىنىڭ قاراۋىنسىز قالعان ەكى كامەلەتكە تولماعان ءجاسوسپىرىم دەمالۋعا ارنالماعان اۋماقتا سۋ ايدىنىنىڭ ماڭىندا جۇرگەن. ابايسىز ارەكەت سالدارىنان ولار سۋعا قۇلاپ كەتكەن.
وقيعا ورنىنا الماتى وبلىسى تجد كۇشتەرى مەن قۇرالدارى جەدەل جىبەرىلدى. ىزدەستىرۋ-قۇتقارۋ جۇمىستارى بارىسىندا قۇتقارۋشىلار ەكى ءجاسوسپىرىمنىڭ دەنەسىن سۋدان الىپ شىقتى.
الماتى وبلىسىنىڭ تجد ازاماتتاردى سۋ ايدىندارىندا قاۋىپسىزدىك شارالارىن قاتاڭ ساقتاۋعا، بالالاردى قاراۋسىز قالدىرماۋعا جانە قاۋىپتى اۋماقتارعا بارماۋعا ۇندەدى.
ۇقساس جاڭالىقتار
