پاۆلودار وبلىسىندا كامەلەت جاسقا تولماعان جەتكىنشەك اقشا تابۋ ءۇشىن وقۋىن تاستاپ كەتكەن، دەپ حابارلايدى “ادىرنا” ۇلتتىق پورتالى “استانا” ارناسىنا سىلتەمە جاساپ.
جەتكىنشەكتىڭ اناسى وعان جۇمىس ىستەۋدى بۇيىرىپتى. بۇل جايدى وبلىستىق پوليتسيا دەپارتامەنتى انىقتادى. قۇزىرلى ورگانعا ستۋدەنتتىڭ وقۋ ورنى شاعىم تۇسىرگەن. كوللەدج باسشىلىعى وقۋشىنىڭ ەكى اي ساباققا سەبەپسىز كەلمەگەنىنە الاڭداپتى. ارتىنشا بالانىڭ ەگىستىك القابىندا كوكونىس جيناپ، اقشا تاۋىپ جۇرگەنى بەلگىلى بولعان.
"كامەلەتكە تولماعان بالانى تاربيەلەۋ جانە ءبىلىم بەرۋ بويىنشا مىندەتتەرىن ورىنداماعانى ءۇشىن ءۇشىن قر اكىمشىلىك كودەكسىنىڭ 127-بابى 1-بولىگى بويىنشا اناسىنا حاتتاما تولتىرىلدى. ءىس شەشىم قابىلداۋ ءۇشىن سوتقا جولداندى", - دەپ مالىمدەدى وبلىستىق پوليتسيا باسقارماسىنىڭ رەسمي وكىلى جاننا ءبىلالوۆا.
وبلىستىق ءبىلىم باسقارماسى جەتكىنشەكتى وقۋعا قايتارۋ ءۇشىن جۇمىس جۇرگىزىپ جاتقانىن جەتكىزدى.
وقۋشى ۋسپەن اۋداندىق اگرورلىق كوللەدجىندە "ەڭبەك" باعدارلاماسى بويىنشا تەگىن وقىعان. شاكىرتاقى دا الىپ تۇرىپتى. وقۋ ورنى جاتاقحانامەن، ىستىق تاماقپەن قامتاماسىز ەتىپ، جىلىنا ەكى رەت جول اقىسىن تولەپ تۇرعان.
“ادىرنا” ۇلتتىق پورتالى
