جاڭاوزەندە جۇمىسشىلار باس كوتەردى

2655
Adyrna.kz Telegram

ماڭعىستاۋ وبلىسى، جاڭاوزەن قالاسى "بۇرعىلاۋ" جشس مەكەمەسىنىڭ اۋتسورسينگ قىزمەتكەرلەرى باس كوتەردى، دەپ حابارلايدى "ادىرنا" ءتىلشىسى. 

جۇمىسشىلاردىڭ ايتۋىنشا، اۋتسورسينگ قىزمەتكەرلەرى مەن شتات قىزمەتكەرلەرى بىردەي جۇمىس اتقارۋدا. الايدا، الاتىن جالاقىلارىنىڭ ايىرماشىلىعى جەر مەن كوكتەي. جۇمىسشىلاردىڭ جانايقايىنان بايقايتىنىمىز، الاتىن جالاقىنىڭ مولشەرىن تەڭ ەتۋى، يا بولماسا اۋتسورسينگ قىزمەتكەرلەرىن شتاتتىق قىزمەتكە السىن دەۋدە.

جيىنعا "بۇرعىلاۋ" جشس مەكەمەسىنىڭ شتاتتىق قىزمەتكەرلەرى مەن اۋتسورسينگ جۇمىسشىلارى جينالدى. شاعىمدانۋشىلاردىڭ جيىنىندا جاڭاوزەن قالاسىنىڭ اكىمىنىڭ ورىنباسارى عالىم بايجانوۆ تا بولدى.

تۇرعىنداردىڭ پىكىرىنشە، بۇنداي جاعداي قالاداعى مەكەمەلەردىڭ اراسىندا ءجيى ورىن الادى ەكەن. بۇگىن دە "مۋناي فيلد سەرۆيس" جشس-دە دە ءدال وسىنداي جاعداي ورىن الدى.

 

"ادىرنا" ۇلتتىق پورتالى

 

پىكىرلەر