Pavlodar oblysynda kämelet jasqa tolmaǧan jetkınşek aqşa tabu üşın oquyn tastap ketken, dep habarlaidy “Adyrna” ūlttyq portaly “Astana” arnasyna sılteme jasap.
Jetkınşektıŋ anasy oǧan jūmys ısteudı būiyrypty. Būl jaidy oblystyq polisiia departamentı anyqtady. Qūzyrly organǧa studenttıŋ oqu orny şaǧym tüsırgen. Kolledj basşylyǧy oquşynyŋ ekı ai sabaqqa sebepsız kelmegenıne alaŋdapty. Artynşa balanyŋ egıstık alqabynda kökönıs jinap, aqşa tauyp jürgenı belgılı bolǧan.
"Kämeletke tolmaǧan balany tärbieleu jäne bılım beru boiynşa mındetterın oryndamaǧany üşın üşın QR Äkımşılık kodeksınıŋ 127-baby 1-bölıgı boiynşa anasyna hattama toltyryldy. Is şeşım qabyldau üşın sotqa joldandy", - dep mälımdedı oblystyq polisiia basqarmasynyŋ resmi ökılı Janna Bılälova.
Oblystyq bılım basqarmasy jetkınşektı oquǧa qaitaru üşın jūmys jürgızıp jatqanyn jetkızdı.
Oquşy Uspen audandyq agrorlyq kolledjınde "Eŋbek" baǧdarlamasy boiynşa tegın oqyǧan. Şäkırtaqy da alyp tūrypty. Oqu orny jataqhanamen, ystyq tamaqpen qamtamasyz etıp, jylyna ekı ret jol aqysyn tölep tūrǧan.
“Adyrna” ūlttyq portaly
