كوكشەتاۋدا تۇرعىن ءۇي اۋلاسىندا ادام ولىمىنە اكەلگەن جول اپاتى بولدى. قايعىلى وقيعا ۆيدەوعا ءتۇسىپ قالعان، دەپ حابارلايدى "ادىرنا".
كادرلاردان اۆتوكولىكتىڭ تۇراققا كىرەبەرىستە الدىمەن بورديۋرگە سوعىلىپ، كەيىن ايەلدى قاعىپ، ۇستىنەن باسىپ وتكەنىن كورۋگە بولادى.
بىرنەشە سەكۋندتان كەيىن كولىكتەن ورتا جاستاعى ايەل شىققان. بولجام بويىنشا، جول اپاتى كەزىندە رولدە سول وتىرعان.
اقمولا وبلىستىق پوليتسيا دەپارتامەنتى جول-كولىك وقيعاسىنا قاتىستى قىلمىستىق ءىس قوزعالعانىن حابارلادى.
قازىر وقيعانىڭ بارلىق ءمان-جايىن انىقتاۋ ءۇشىن قاجەتتى تەرگەۋ ارەكەتتەرى جۇرگىزىلىپ جاتىر.
ۇقساس جاڭالىقتار
