ۆيرۋس جايلاعان لاينەر. توعىز ادامنان اۋرۋ بەلگىسى تابىلدى

بورتىندا حانتاۆيرۋس ىندەتى تىركەلگەن MV Hondius كرۋيزدىك لاينەرىندە ۆيرۋس جۇقتىرۋ دەرەگى كوبەيدى، دەپ حابارلايدى “ادىرنا” ۇلتتىق پورتالى. 

بۇل تۋرالى دۇنيەجۇزىلىك دەنساۋلىق ساقتاۋ ۇيىمىنىڭ ەپيدەميولوگيالىق تالداۋ جانە ارەكەت ەتۋ ءبولىمىنىڭ باسشىسى وليۆە لە پولي مالىمدەدى.

ددس وكىلىنىڭ ايتۋىنشا، تىركەلگەن توعىز جاعدايدىڭ جەتەۋى زەرتحانالىق تۇردە راستالعان. سونداي-اق، ءۇش ناۋقاس كوز جۇمعان.

مامانداردىڭ مالىمەتىنشە، حانتاۆيرۋستىق كارديوپۋلمونالدى سيندروم — وكپە مەن جۇرەككە اسەر ەتەتىن قاۋىپتى رەسپيراتورلىق اۋرۋ. ونىڭ ءولىم-ءجىتىم كورسەتكىشى 50 پايىزعا دەيىن جەتۋى مۇمكىن. اۋرۋ وتە تەز داميدى جانە اۋىر اسقىنۋلارعا اكەلەدى.

حانتاۆيرۋستىڭ شامامەن 20 ءتۇرى بار، ولار نەگىزىنەن سولتۇستىك جانە وڭتۇستىك امەريكادا كەزدەسەدى. سونداي-اق گەمورراگيالىق قىزبا بۇيرەك سيندرومىمەن بىرگە قان تامىرلارى مەن بۇيرەكتەردى زاقىمدايدى.

اۋرۋدىڭ بەلگىلەرى ۆيرۋس تۇرىنە قاراي 1–8 اپتا ىشىندە بايقالۋى مۇمكىن. كوبىنە قىزبا، جۇرەك اينۋ، قۇسۋ، ءىش ءوتۋ، ءىشتىڭ اۋىرۋى، باس جانە بۇلشىقەت اۋىرۋى سياقتى سيمپتومدار كەزدەسەدى.

ايتا كەتەيىك، ۆيرۋستىڭ جۇقتىرۋ دەرەگى فرانتسيادا انىقتالعانى حابارلانعان.