Bortynda hantavirus ındetı tırkelgen MV Hondius kruizdık lainerınde virus jūqtyru deregı köbeidı, dep habarlaidy “Adyrna” ūlttyq portaly.
Būl turaly Düniejüzılık densaulyq saqtau ūiymynyŋ epidemiologiialyq taldau jäne äreket etu bölımınıŋ basşysy Olive Le Poli mälımdedı.
DDS ökılınıŋ aituynşa, tırkelgen toǧyz jaǧdaidyŋ jeteuı zerthanalyq türde rastalǧan. Sondai-aq, üş nauqas köz jūmǧan.
Mamandardyŋ mälımetınşe, hantavirustyq kardiopulmonaldy sindrom — ökpe men jürekke äser etetın qauıptı respiratorlyq auru. Onyŋ ölım-jıtım körsetkışı 50 paiyzǧa deiın jetuı mümkın. Auru öte tez damidy jäne auyr asqynularǧa äkeledı.
Hantavirustyŋ şamamen 20 türı bar, olar negızınen Soltüstık jäne Oŋtüstık Amerikada kezdesedı. Sondai-aq gemorragiialyq qyzba büirek sindromymen bırge qan tamyrlary men büirekterdı zaqymdaidy.
Aurudyŋ belgılerı virus türıne qarai 1–8 apta ışınde baiqaluy mümkın. Köbıne qyzba, jürek ainu, qūsu, ış ötu, ıştıŋ auyruy, bas jäne būlşyqet auyruy siiaqty simptomdar kezdesedı.
Aita keteiık, virustyŋ jūqtyru deregı Fransiiada anyqtalǧany habarlanǧan.
