20 مامىردا رەسەي پرەزيدەنتى ۆلاديمير ءپۋتيننىڭ قىتايعا جاساعان ەكى كۇندىك ساپارى اياقتالدى، دەپ حابارلايدى «ادىرنا» ءتىلشىسى ريا نوۆوستيگە سىلتەمە جاساپ.
اۋەجايدا قۇرمەت قاراۋىلىنىڭ ساربازدارى ساپ تۇزەپ تۇردى. سونىمەن قاتار رەسەي پرەزيدەنتىن شىعارىپ سالۋعا مەكتەپ وقۋشىلارى دا كەلدى. ولار رەسەي مەن قىتايدىڭ تۋلارىن جەلبىرەتىپ، «ىزگى تىلەكپەن شىعارىپ سالامىز!» دەپ ايقايلادى.
پۋتين 19 مامىر كۇنى قىتايعا رەسمي ساپارمەن بارعان ەدى. سارسەنبى كۇنى ەكى ەل كوشباسشىسىنىڭ قاتىسۋىمەن رەسەي-قىتاي كەلىسسوزدەرى ءوتتى. كەزدەسۋ قورىتىندىسى بويىنشا 42 قۇجاتقا قول قويىلدى. ونىڭ ىشىندە ەكى ەلدىڭ جان-جاقتى ارىپتەستىگى مەن ستراتەگيالىق ىقپالداستىعىن ودان ءارى نىعايتۋ، سونداي-اق تاتۋ كورشىلىك، دوستىق جانە ىنتىماقتاستىق قاتىناستارىن تەرەڭدەتۋ تۋرالى بىرلەسكەن مالىمدەمە بار.
بۇدان بولەك، پۋتين مەن قحر توراعاسى سي تسزينپين ءبىر شىنى شاي ۇستىندە حالىقارالىق وزەكتى ماسەلەلەردى تالقىلادى. سونداي-اق رەسەي پرەزيدەنتى قىتايلىق ينجەنەر پەن پايمەن كەزدەستى. پۋتين ونى 2000 جىلى قىتايعا العاشقى ساپارى كەزىندە، ول ءالى بالا بولعان كەزدە كورگەن ەدى.
سي تسزينپين رەسەي كوشباسشىسىنىڭ اسپان استى ەلىنە جاساعان ساپارىن وتە ناتيجەلى ءارى تابىستى دەپ باعالادى.
