بۇل — قازاق سپورتى ءۇشىن ۇلكەن ءۇمىت كۇتتىرەتىن جاس تالانتقا كورسەتىلگەن زور قولداۋ مەن سەنىمنىڭ بەلگىسى.
قازىرگى تاڭدا مەكتەپ قابىرعاسىندا ءبىلىم الىپ جۇرگەن داستان جاس بولسا دا، ءوزىنىڭ ەڭبەكقورلىعى مەن تالانتىنىڭ ارقاسىندا كوپشىلىكتىڭ نازارىن اۋدارىپ ۇلگەردى. ونىڭ فۋتبولعا دەگەن ەرەكشە ىنتاسى مەن تاباندىلىعى حالىقارالىق دەڭگەيدە باعالانىپ، انگليانىڭ ايگىلى Chelsea F.C. كلۋبىنىڭ نازارىن وزىنە اۋداردى. جاس سپورتشىنىڭ شەتەلدىك كلۋب تاراپىنان شاقىرتۋ الۋى — قازاق فۋتبولى ءۇشىن تاريحي ءارى قۋانىشتى جاڭالىق.
قازاق سپورت جانە تۋريزم اكادەمياسى پرەزيدەنتى قايرات زاكيريانوۆ داستانعا گرانت تابىستاي وتىرىپ، ءبىلىم مەن سپورتتى قاتار الىپ ءجۇرۋدىڭ ماڭىزىن ەرەكشە اتاپ ءوتتى. اكادەميا تاراپىنان كورسەتىلگەن بۇل قولداۋ — جاس سپورتشىنىڭ بولاشاعىنا جاسالعان ينۆەستيتسيا عانا ەمەس، دارىندى جاستارعا بەرىلگەن ۇلكەن مۇمكىندىك.
داستان ساتباەۆ بۇگىندە كوپتەگەن جاسوسپىرىمدەرگە ۇلگى. ونىڭ جەتىستىگى — ارمانعا ادالدىقتىڭ، تىنىمسىز ەڭبەكتىڭ جانە ەل سەنىمىن اقتاۋدىڭ ايقىن كورىنىسى. قازاق فۋتبولىنىڭ بولاشاعىنان زور ءۇمىت كۇتتىرەتىن جاس تالانتقا الداعى ۋاقىتتا ۇلكەن جەڭىستەر مەن بيىك بەلەستەر تىلەيمىز!
