SpaceX تاريحتاعى ەڭ ۇلكەن ءارى ەڭ قۋاتتى زىمىران سانالاتىن Starship V3 اپپاراتىنىڭ ۇشقىشسىز سىناق ۇشۋىن ءساتتى جۇزەگە اسىردى، دەپ حابارلايدى "ادىرنا" ۇلتتىق پورتالى.
يلون ماسك كومپانياسىنىڭ زىمىرانى تەحاس اۋماعىنان جەرگىلىكتى ۋاقىت بويىنشا جۇما كۇنى كەشكى ساعات 17:30 شاماسىندا ۇشىرىلدى. بۇعان دەيىن بەيسەنبى كۇنگى العاشقى ۇشىرۋ ارەكەتى ستارتتىق مۇناراداعى اقاۋعا بايلانىستى كەيىنگە شەگەرىلگەن ەدى.
سىناق بارىسىندا Starship V3 عارىشقا 20 سپۋتنيكتىڭ ماكەتىن وربيتاعا شىعاردى. كەيىن ءۇندى مۇحيتىنا قوندى. جوسپارعا سايكەس، اپپارات سۋعا قونعاننان كەيىن جارىلعان. ءساتتى ۇشىرۋدان كەيىن يلون ماسك الەۋمەتتىك جەلىدە كومانداسىن قۇتتىقتادى.
«Starship V3-ءتىڭ العاشقى ەپيكالىق ۇشىرىلىمى مەن قونۋىنا بايلانىستى SpaceX كومانداسىن قۇتتىقتايمىن! سىزدەر بۇكىل ادامزات ءۇشىن ۇلكەن جەتىستىككە جەتتىڭىزدەر»، – دەپ جازدى ول.
Reuters بۇل زىمىراندى ادامزات تاريحىنداعى ەڭ ۇلكەن ءارى ەڭ قۋاتتى عارىش اپپاراتى دەپ اتادى.
مامانداردىڭ ايتۋىنشا، ۇشۋ بارىسىندا ەكى ساتىداعى قوزعالتقىشتاردا اقاۋلار تىركەلگەنىمەن، ميسسيا جالپى العاندا ءساتتى وتكەن.
