بالقاش قالاسىنداعى ءدامحانالاردىڭ بىرىندە بولعان جانجال اتىسپەن اياقتالىپ، مەكەمە قىزمەتكەرى جاراقات الدى، دەپ حابارلايدى «ادىرنا» ءتىلشىسى.
وقىس وقيعا 21 مامىردا بولعان. الدىن الا مالىمەتتەر بويىنشا، تانىستار اراسىندا اۋىزشا كيكىلجىڭ تۋىنداپ، ول كەيىن تراۆماتيكالىق قارۋ قولدانىلعان توبەلەسكە ۇلاسقان. اتىس سالدارىنان مەكەمە دايارشىسى جاراقات العان. ازىرگە ونىڭ قازىرگى جاعدايى تۋرالى اقپارات جاريالانعان جوق.
قاراعاندى وبلىستىق پوليتسيا دەپارتامەنتى اتالعان دەرەك بويىنشا قىلمىستىق ءىس قوزعالعانىن مالىمدەدى.
«قازىرگى ۋاقىتتا كۇدىكتىلەردى ۇستاۋ بويىنشا جەدەل-ىزدەستىرۋ شارالارى جۇرگىزىلىپ جاتىر»،– دەلىنگەن حابارلامادا.
ۇقساس جاڭالىقتار
