اۆسترياداعى زالتسبۋرگ جەرىندە جەڭىل موتورلى ۇشاق اۋەدە پاراپلانشى ايەلمەن سوقتىعىستى. بۇل تۋرالى تاسس جازدى، دەپ حابارلايدى "ادىرنا".
اقپاراتقا سايكەس، وقيعا سەنبى كۇنى جەرگىلىكتى ۋاقىتپەن ساعات 13:15 شاماسىندا پيزەندورف كوممۋناسىنىڭ ايماعىندا بولعان.
پوليتسيانىڭ مالىمەتىنشە، «Cessna 172» ۇشاعىنىڭ شتۋرۆالىندا ءتيرولدىڭ 28 جاستاعى تۇرعىنى بولعان. ول دەر كەزىندە بۇرىلىپ ۇلگەرمەگەنىن، سونىڭ سالدارىنان پاراپلاننىڭ كۇمبەزىنە سوعىلعانىن حابارلادى. ۇشاقتىڭ ءۆينتى سپورتشىنىڭ جابدىقتارىن قاتتى زاقىمداعان.
سول ساتتە 44 جاستاعى تاجىريبەلى پاراپلانشى ايەل قوسالقى ءپاراشيۋتتى اشىپ ۇلگەرىپ، ورمان جولىنا شۇعىل قونعان.
ايەل تىكۇشاقپەن تسەلل-ام-زە قالاسىنا جەتكىزىلدى. وقىس وقيعادان قاتىسۋشىلاردىڭ ەكەۋى دە اۋىر جاراقات الماعان.
پاراپلانشى ايەلدىڭ ۇشۋ ءساتىن ۆيدەوعا ءتۇسىرىپ جاتقانى جانە سوقتىعىسۋدان كەيىن دە جازبانى توقتاتپاعانى بەلگىلى بولدى.
كەيىنىرەك ول ۆيدەونى Instagram-دا جاريالاپ، بۇل كۇندى ءوزىنىڭ «ەكىنشى تۋعان كۇنى» دەپ اتادى.
