دەپۋتات كوز جۇمعان كلينيكا وكىلدەرى جەلىدەگى اقپاراتقا جاۋاپ بەردى، دەپ حابارلايدى "ادىرنا" ۇلتتىق پورتالى.
كلينيكا وكىلدەرىنىڭ ايتۋىنشا، جەلىدە تاراپ جاتقان كەيبىر مالىمەتتەر شىندىققا سايكەس كەلمەيدى. مەكەمە تاراتقان حابارلامادا جاريالانىمداردا ايىپ تاعىلعان دارىگەردىڭ اتالعان وپەراتسيانى جۇرگىزبەگەنى ايتىلعان.
سونىمەن قاتار كلينيكا مارقۇم ەربول ايتۋوۆتىڭ وتباسى مەن جاقىندارىنا كوڭىل ايتتى. بۇعان قوسا، الەۋمەتتىك جەلىلەردە ايتىلعان «كلينيكانىڭ ليتسەنزياسى جوق» دەگەن اقپارات تا جوققا شىعارىلدى.
كلينيكا مالىمەتىنشە، مەكەمە 2015 جىلعى 31 شىلدەدە بەرىلگەن №00650DE ليتسەنزياسى نەگىزىندە جۇمىس ىستەيدى. ليتسەنزيا اياسىندا انەستەزيولوگيا جانە رەانيماتولوگيا قىزمەتتەرىن كورسەتۋگە رۇقسات بار ەكەنى حابارلاندى.
سونداي-اق كلينيكا مەديتسينالىق جانە فارماتسەۆتيكالىق باقىلاۋ كوميتەتىنىڭ تەكسەرۋى اياقتالعانعا دەيىن باق وكىلدەرىن، پابليك اكىمشىلەرىن جانە الەۋمەتتىك جەلى قولدانۋشىلارىن تەكسەرىلمەگەن اقپارات تاراتپاۋعا شاقىردى.
ايتا كەتەيىك، ماڭعىستاۋ وبلىسى ءماسليحاتىنىڭ دەپۋتاتى ەربول ايتۋوۆ اقتاۋداعى جەكەمەنشىك كلينيكادا جاسالعان وتادان كەيىن قايتىس بولعانى تۋرالى جازعان ەدىك.
